P&E Minister in BBPS leh MPOS te a hawng

Power & Electricity Minister, R. Lalzirliana chuan Internet leh Mobile Phone hmanga Electric Bill pek dan awlsam, Bharat Bill Payment System (BBPS) leh Mobile Point of Sales (MPOS) chu nimin khan mipuite hman turin a tlangzarh.
Aijal Club-a Bharat Bill Payment System (BBPS) leh Mobile Point of Sales (MPOS) tlangzarhna hunah hian P&E Minister, R. Lalzirliana chuan mipuite harsatna chhawk zangkhai tura ruahmanna thar kalpui theih a ni ta chu lawmawm a tih thu sawiin, tunah chuan Electric Bill pe duh ten Department Counter pan kher a ngai tawh dawn lova, Bill pe tura nileng-a thui tak tak intlar \hin pawh a ziaawm phah dawn a ni, a ti a. Consumer te tan payment channel an hman azirin ham\hatna chi hrang hrang a awm thei dawn a, Bill kan pek dan te, electric kan hman dan record te pawh a hriat theih vek tawh dawn a ni, a ti. Minister chuan Smart Meter hmang tura inpuahchah mek a nih thu pawh sawiin, kan tihhlawhtlin hunah chuan Meter Reading diklo vanga mipuite harsatna tawh \hin pawh a kiam ngei a beisei thu a sawi bawk.
BBPS kaltlang hian Electric Bill te hi pek theihna chi hrang hrang a awm dawn a. powermizoram.gov.in portal-ah lutin a pek theih dawn a, Mobile App hrang hrang BHTM UPI, Paytm, Phonepe, GPay leh channel dang BBPS nena thlunzawm Bank leh Non -Banking Institution –Billdesk, PayU leh Khua/Veng hrang hranga Common Service Centre (CSC) te hmangin a pek theih vek tawh dawn a, tunhma a convenience fee lak \hin kha a bo tawh dawn bawk a ni.
Bharat Bill Payment System hi India rampuma hman turin RBI chuan August ni 7, 2014 khan 'Draft Guidelines for implementation of BBPS' a tichhuak a, mipuite ngaihdan lakfel a nih hnuah siamrem ngai te siam\ha in hman nghal a ni a. RBI hian Bharat Bill Payment Central Unit (BBPCU) atan National Payments Corporation of India (NPCI) a ruat a, anni hnuaia transactions ti thei tur hian hian Bharat Bill Payment Operating Unit (BBPOU) 73, Bank leh Non-Bank institutions te ruat an ni a. Non-Bank institutions zingah Mizoram-a hman theih chu Billdesk, PayU leh Common Service Centre te hi an ni. Tun dinhmunah BBPS kaltlang a Bill pe thei RBI in a approved te chu Electric bill, Tui bill, Telephone/Mobile phone bill, Gas bill leh DishTv Direct To Home (DTH) bill te hi an ni.
Mobile Point of Sales hi swipe machine kan tih ang kha a ni a, Credit Card emaw, Debit Card emaw hmanga Electric Bill pekna tur a siam a ni a. A khawl hi Ezetap leh HDFC Bank ten mipui rawngbawlna a ngaiin an tum vek a ni. MPOS hian BBPS a kaltlang lo chungin Convenience Fee pawh chawi ngailo turin ruahmanna siam a ni. 

Comments

Popular posts from this blog

PAN CARD an tih teh fo hi - Laldinpuia