MHIP General Hqrs. in MHIP Branch te chi-ai lo turin an hriattir

MHIP General Hqrs. chuan tunhnaia MHIP chungchanga thu leng velah MHIP member te chu lo chi-ai lo tur leh kalphung pangngai anga kal zel turin an hriattir a. Kum 2019 - 2021 MHIP Gen. Hqrs. thlan thar te chuan Pathian leh kan ram tan rinawm takin an thawkho zel dawn tih an sawi.
Nimin a thuchhuah an siamah MHIP General Hqrs. chuan harsatna tam tak an tawh mek laiin thuchiang lo leh finfiah tur awmlo thu leng vel tam tak a awm tih tarlangin, pawi an tih thu an tarlang a. MHIP Gen. Hqrs. hruaitu ten harsatna leh mualphona an tawh ngei theih nana mipuite hnenah pholan a ni fo chu tlawmngai pawl tan chuan thil tihloh tawp tur a ni tih tarlangin, MHIP Gen. Hqrs. hruaitute Court-a khin an ni chu an Dan bu kalh tlat a ni bawk tih an tarlang.
MHIP General Hqrs. thuchhuah chuan MHIP Gen. Hqrs. OB nilai te hi Guwahati High Court Order hmangin August 28, 2019-ah Central YMA kaihhruaina in felfai takin inthlanna neih a ni tih tarlangin, Ballot Box tihchingpen chungchang a inpuhmawhna awm pawh Court kutah an dah thu leh Court in a chingfel mai turah an ngai tih an tarlang a. Court thu kallai a nih avangin thu belhchian dawllo leh famkimlo lo thehdarh chu pawi an tih thu leh an ngai thutak tih tarlangin, Court Judgement a chhuah hunah thudik chu a lang mai turah an ngai tih an tarlang.
An thuchhuah chuan MHIP Gen. Hqrs. OB te chuan Criminal Case an awrhna/inpuhna chu tun thlengin Court lehkha an la hmu lo tih pawh tarlangin, “Police Investigation kal lai hi Confedential Matter a ni \hin a, lo hre lawk zel anga insawi an awmte hi thubelh chian dawl nge ni a, a leak out ve hrim hrim tih hi kan hriatthiam phak a ni ta lo,” an ti a. “Pawnlam a\anga thuchhuah siam a, MHIP Gen. Hqrs. kalphung pangngai tihbuai tum a, Branch tinte Budget pe lo tura an rawn ti te hi thubelh chian dawllo, an tihloh tawp tur an ti ah kan ngai. Budget chungchang hi April 2019-a Assembly-a rorel Palai ten kan lo passed vek tawh a nih avangin Assembly thurel kalh zawnga rawlh an awm hi a thiang lovah kan ngai bawk. Heng Adhoc Body inti mi tlemte te hi tunge an nih a, eng Adhoc Body nge an nih pawh hriat loh te hian MHIP Gen. Hqrs. kalphung chungchang hi sawi ve tawh lo turin thu kan rawn a ni,” an ti a. “Chargesheet a hming lang leh lang lo an tihte hi Confidential Matter ni a ngaih a nih laiin engtinnge an ni hian thutak ang a an chhuah hi MHIP Gen. Hqrs. chuan a mak kan ti,” an ti bawk.

Comments

Popular posts from this blog

PAN CARD an tih teh fo hi - Laldinpuia