ZPM in ZPM Legisalture Party \hiah sawifiah

ZPM chuan ZPM Legislature Party (ZLP) chu Sept.ni 18 khan \hiah a ni tih sawiin, dan tlawhchhan nei lovin, Speaker thupek bawhzuia tih a nih thu Official ten an sawi tih an sawi bawk.

Nimin-a thuchhuah an siamah ZPM chuan ZPM Legislature Party (ZLP) Sept. 18-a \hiah a nih chhan hi Official an zawhchian thuai thu leh Official lam chuan dan tlawhchhan nei lovin, Speaker thupek bawhzuia tih a nih thu an lo sawi mai niin an tarlang a. Speaker hian thupek khauh tak chhuah tur hian chung lam a\angin thupek khauh tak a dawng a nih a rinawm thu leh hreh tak chungin he thutlukna hi a siam a nih a rinawm tih an tarlang.

ZPM thuchhuah chuan tuna Assembly dinglai a pian ve leh khan, ZPM MLA 7-te hian ZPM Legislature Party hi dan ang thlapin an din tih tarlangin, “Assembly Speaker pawhin a pawm mai a. Tunhnaiah hian Ruling MNF hian ZPM Legislature Party leh ZPM party hrim hrim hi hnawk a ti em em a, MLA-te chungah hian kutthlakna remchang an dap ngar ngar a, remchang an hmuh loh avangin, eng Dan mah tlawhchhan pawh nei chuang lovin ZPM Legislature Party chu a \hiahsak ta a ni,” tiin hei hi awmze nei lova mipui rilru tihchiai tumna nia a lan thu leh, MLA-te dinhmun ah thil danglam awm lovin, engmah chiaina tur a awm lo tih an tarlang.

ZPM chuan Mizoram Legislative Assedmbly-ah hian Independent Group-in an siam Legislature Party hi a lo awm fo tawh \hin tih pawh sawiin, “Mipui thlan an nih avanga zahin, tu party leh sawrkar mahin \hiah tumin emaw, kutthlak tumin emaw an veh an veh ngai lo. Tuna MNF sawrkar dinglai chauh hi mahni MLA-puite tihbuai dan kawng dap ngar ngar awmchhun an la ni,” an ti bawk.