Serchhip District Level Science Seminar neih a ni

Nimin khan Serchhip District Level Science Seminar-2019 chu BNRGSK Hall, P&E Veng-ah neih a ni a. He hun hi Serchhip DEO, Lawmawm chuan khuallian niin a hmanpui a ni.
Nimin -a Serchhip District Level Science Seminar-2019 hi RMSA Serchhip District-a Deputy DPC, PC. Vanlalluna chuan kaihruaiin Serchhip DEO, Lawmawma chuan he huna School naupang rawn kal te chuan hma an sawnpui ngei theihna turin duhsakna a hlan a, he huna an kalkhawm chhan chu Education vang a nih thu sawiin, khawvel in thiamna rau rau ah Science thiamna chu a ngaihlu bik tih sawiin, Science thiamna tel lovin hmasawnna a awm theih miau loh avangin India ram sawrkar pawhin a ngaih pawimawh thu a sawi a. Mizoram-ah sawrkar hna in min daih tawhloh avangin zirlai kalkhawmte chu Science lama kal bing turin a chah a, Science thiamna chuan sawrkar hna thawk kher lova mahni intodelhna nasa tak a keng tel a ni, a ti a. Zirtirtute pawh an zirlaite chu Science subject lama nasa taka hma an sawn theihnan hmalakpui turin a sawm bawk.
Serchhip DEO Office buatsaiha nimin-a Serchhip District Level Science Seminar neih ah hian High School 4- Marian H/S, Presbyterian English School Serchhip, Govt. High School Serchhip leh St. Peters H/S Chhingchhip a\angin Zirlai 5 an tel a, thupui atan “Periodic Table of Chemical Element : Impact on Human Welfare” tih hmangin he thupui hi sawifiahna an neih bakah zawhna te an chhang bawk a, a pumpui-ah H. Vanlalremruatpuii, Clss-VIII Presbyterian English School Serchhip chu pakhatna niin Vanlallawmzuala, Class-X St. Peters H/S Chhingchhip chu pahnihna niin anni pahnih hian tun thla ni 27-a Aizawl-a State Level Science Seminar-ah Serchhip District ai an awh dawn a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia