Serchhip Block Congress hruaitu thlang

Serchhip Block Congress Committee chuan nimin khan kum 2019-2021 chhunga an hruaitu tur thlanna neiin President-ah R. Vanlaldula, Serchhip Vengchung chu thlantlin a ni.

Serchhip Block Congress Committee hruaitu thlanna hi nimin chawhnu dar 1:30 khan Lalpuithanga Hall, Serchhip Chhim Veng-ah neih niin Aizawl District Congress Committee (ADCC) a\anga rawn kal te kaihhruaina hnuaiah he inthlanna hi neih a ni a, Returning Officer-ah C. Vanlalruata, General Secretary, Aizawl District Congress Committee chu he inthlanna ah hian Returning Officer niin President atan R. Vanlaldula, Serchhip Vengchung; Vice President-ah Lalzuiliana, Venglai; Treasurer-ah Lalrindika Kawlni, New Serchhip Mizoram Congress Committee (MCC) Member atan Lalthlanthanga Chawngthu, Bazar Veng te thlantlin an ni bawk a. He inthlanna ah hian mi 100 dawn an kal a ni.