MZP Federal Council Sitting neih a ni.


 MZP hian kuang lo a nei lo - MZP President



MZP President, L. Ramdinliana Renthlei chuan MZP hian kuang lo a nei lo tih sawiin, Zophai hmuna Mosolman Biak In sak hna chu chhunzawm zel a nih chuan MZP chu Zofate Chawlhbuk sa ve nghal turin an inbuatsaih reng a\ul dawn tih a sawi.
MZP Rorelna sang, Federal Council Sitting nimin-a MZP Conference Hall, Aizawl-ah neih ah he thu hi sawiin MZP President, L. Ramdinliana Renthlei chuan MZP chu 1935 khan din a lo ni tawh tih sawiin, din a nih a\ang hian Mizo zirlai te leh hnam tan pawl \angkai tak a lo ni tawh tih a sawi a. Zirlai pawl a nih rualin, Hnam movement chu an khawih nasa em em \hin tih sawiin, “Hnam movement kan khawih nasat hian mi \henkhat chuan 'MZP hian an kuanglo an nawr a ni' lo ti te an awm \hin a. Mahse, MZP hian kuang lo a nei lova, kan hnam tan leh zirlaite tana \ha tur chuan kuang bik kan nei lo a, Hnam leh zirlaite tana \ha turah chuan theihtawp kan chhuah zel dawn a ni,” tiin MZP chhungkua tlang hrang hrang amite chu kan ram leh hnam tungdinga siam\ha tura \angrual zel turin a chah bawk.
MZP President chuan MZP in hma a lak mekna, Mizoram leh Assam ramri chungchangah theihtawp chhuahin hma an la chhunzawm zel dawn tih pawh sawiin, “ Zophai hmuna Mosolman Biak In sak mek pawh \hiah a nih leh nih loh kan enzui reng dawn a, an sa chhunzawm zel a nih chuan MZP chu Zofate Chawlhbuk sa ve nghal turin kan inbuatsaih reng a\ul dawn a. A \ul hun huna thawkchhuak thei turin tlang hrang hranga MZP chhungkua te lo inbuatsaih a, lo inring reng turin kan ngen che u a ni,” a ti bawk.
Nimin a MZP Federal Council Sitting hi MZP Vice President, B. Vanlaltana chuan kaihruaiin MZP Assembly 2019 lo awm tura Agenda chhawpchhuah atan 4 an pawm a. Heng te hi kum 2020 chhung hian Zo Hnam inkhawmpuilian ZOFEST neih leh ni rawh se tih te, Mizoram leh Assam ramri chinfel anih theih nan MZP in hma a lak mek hi chak leh zuala hmalak ni rawh se tih te, All India Civil Service/Central Service hrang hrangah Mizo \halai tam zawk kan luh theih nan MZP in hma la rawh se tih leh ILP hi khauh zawka kalpui anih theih nan hmalak ni rawh se tih te a tel a ni. MZP Federal Council Sitting-ah hian Zoram hmun hrang hrang a\angin rorel palai 45 an kal a ni.

Comments

Popular posts from this blog

PAN CARD an tih teh fo hi - Laldinpuia