Agriculture Minister in Khawzawl District tlawhin loneitute mamawh a \ul anga ngaihtuahpui a tum

Agriculture Minister, C. Lalrinsanga chuan Inrinni khan Khawzawl, Khawhai, Sialhawk leh Chawngtlai khua a tlawh a, khawtlang hruaitute inkawmhona neiin loneituten an mamawh hrang hrang an lo thlen te chu a \ul ang zela a ngaihtuahpui tur thu a sawi.

Agriculture Minister hian Hrangturzo bial a tlawh zawh hnuah Inrinni khan Khawzawl District chhunga khaw hrang hrangte hi tlawhin amah lo hmuaktu khawtlang hruaitute hmaah Kuthnathawktute tan SEDP kaltlangin chak taka hmalak tum a nih thu a sawi a, hemi atan hian Sawrkar in Agriculture Devolopment Board pawh a din fel tawh tih sawiin, Buh leh bal a intodelh chu an tum bulpui ber pakhat a nih thu a sawi a Kuthnathawktute harsatna tawh \hinte chhawk zangkhai turin Farmers Crop Insurance kalpui \an a nih dawn thu sawiin, a bul\an nan thlai thlan chhuah bik \henkhatah kalpui phawt a ni ang, a ti.
Minister chuan Sawrkar tharin Kuthnathawktute tan Pension Scheme kalpui a tum thu pawh sawiin, kum 18 leh kum 40 inkarte tan a ruahman rih phawt a nih dawn thu a sawi a. A chhawrtu an tam theihna turin kum bithliah pawh hei aia huapzau deuh a kum 50 ral kai tawhte pawhin an chhawr ve theih dan tur kawng zawn leh tum a nih thu a sawi bawk a. Farmers' Pension Scheme atan hian loneitu ten pawisa (premium) thla tin Rs 55 a\anga 200 inkar pek a ngai a dawn tih sawiin, kum 60 an tlin thleng an pek chuan kum 60 an tlin hnuah thla tin Rs. 3000 an dawng thei dawn tih a sawi bawk.
Agriculture Minister chuan ram chang-kang zelah Chemical Fertilizer hmanga thlai tharte thinhrikna a lian chho zel tih pawh sawiin, chumi thlakna tur chuan Bio-fertilizer lei\ha, kan thlai chin ten a ngaih em em tur, heti lama mithiam bikte nen siamchhuah hna an thawk dawn tih pawh sawiin, “Hemi atana hmalakna tur hian sawrkar in cheng vbc. 1.7 a ruahman tawh a. Kut-hnathawktu ten lei\ha, taksa tan pawha hlauh-awm loh tur an hman theih tur kan siamchhuak dawn a ni,” a ti bawk.
Agriculture Minister hian Khawzawl-a SDAO Office pawh tlawhin DC hovin thawktu ten an lo dawngsawng a ni.

Comments

Popular posts from this blog

PAN CARD an tih teh fo hi - Laldinpuia