MNF sawrkar chhungin kan hnungtawlh - Dr. Kenneth

ZPM Vice President, Dr. Kenneth Chawngliana chuan MNF thla 10 sawrkar chhungin kan hnungtawlh niin a sawi.
Nimin a ZPM in Aizawl-a an Office-a Chhung Inkhawm an buatsaih ah ZPM President, Dr. Kenneth Chawngliana hian thu sawiin Sawrkar reng rengin ngaih pawimawh bik thil an nei vek tih a sawi a. “Sawrkar kalta, Congress sawrkar pawhin NLUP leh NEDP Flagship programe-ah hmangin nasa takin hma an la a, mahse an hmalakna chu ramin kan chhawr bawk lem lo. Tuna MNF sawrkar thla 10 hian campaign laia an sawi nasat em em, SEDP hnuaia cheng nuai thum sem chu hlamchhiah fel derin hmalakna mumal engmah a la nei lo,” a ti a. “MNF Party sawrkar a\anga thla 10 ral hnuah pawh hmasawnna lam hawi lovin kan hnungtawlh zawk a ni,” a ti bawk.
Dr. Kenneth Chawngliana chuan MNF sawrkar hnuaiah chuan ramri chinfel chu a beiseiawm ta lo viau nia sawiin, “Sawrkar hmasa hunlaia thil thlenglo, nikum maia Assam Police-in Mizo zirlai ram humhalh tumte an kahna bulah Muslim Biakin (Mosque) sak mek a ni a, Vairengte Auto Rickshaw stand chhak ah Assam Forest Department-in In an rawn sa bawk. MPSC thuneihna laksakin zitirtu hna lak a ni a, Police lak belh leh \euh an tum mek bawk. An sawrkar hmasak laia party induhsakna uchuak hmanga an Police lak te pawh zu in nasat avangin kum khat chhung ringawtin 100 tel an thi a, tuna an Police lak leh tur pawh hi an ngaihtuahawm hle a ni,” a ti a. Tuikuk chungchangah MNF sawrkar chu hnungtawlh miahlo tur leh NGO leh Political party te dinna ngaia ding nghet tlat tura an duh thu a sawi bawk.

Comments

Popular posts from this blog

PAN CARD an tih teh fo hi - Laldinpuia