Khawpui zauh nan hman ni thei se

Serchhip hi Mizoram khawpui lian te zinga tel niin ram laili-a awm kan nih avangin kawng hrang hrangah la \hang zel tur kan ni a. Hei vang hian kawng hrang hrangah kan khawpui \han zel dan tur leh kan khawpui kan zauh dan tur hi kan ngaihtuah lawka a \ul hle a. Tuna kan luah chin baka In leh lo kan din belh zel dan tur te, sawrkar Pisa leh hmun pawimawh kan dah belha kawngpui kan siam belh zelna turte thlengin tun a\ang hian fel taka ruahmanna kan siam \ul hle a ni.

Sawrkar hmasa hunlai khan sawrkar laipui ruahman, IHSDP hnuaiah Serchhip-ah hian chenna In neilo tan In 300 chuang fe sak a lo ni tawh a, he ruahmanna hnuaiah hian VC \henkhat chuan khawpui zauhna atan \anpuina dawngtute hi a hlawma dahin tun thlengin khawpui zauhna atan hman a ni ta a, In sak \anpuina dawng ni lemlo te pawhin awm belhin tunah chuan Veng hulum tak a lo ni tawh a. Hetianga sawrkar a\anga \an-puina dawng, In hmun neilo leh VC ten an Inhmun tur an pek chawpte khawpui zauhna atana \angkai taka hman a ni hi a lawmawmin kan khaw \hanna pawimawh tak tih theih a ni ang.

Tunah pawh hian kan sawrkar chuan VC hrang hrang kaltlangin PMAY hnuaiah In sak \anpuina a sem leh mek a, In hmun neite dawn tur a nih laiin In hmun neisa lo te pawhin VC tam takah pek niin VC \henkhat phei chu In hmun \heh turah an buai deuh hial niin a lang. Hei vang hian heng In sak \an-puina dawng turte hi VC hrang hrangte hian mahni area bika dah tum kher lo hian bawh bik neia khawpui zauhna atan hman tum ila a duhawm hle mai a, hetiang tur hian SAAB lam pawhin In hmun \heh hi enpui se a duh-awm hle a ni.