Aizawl-ah Bharti Gas Agent hawn a ni

Mizoram Journalists’ Association (MJA) General Hqrs. President, Zonunsanga Khiangte chuan nimin khan Grand Hotel, Chanmari Aizawl-ah Bharti Gas a hawng.
Bharti Gas hawnna hunah hian MJA President chuan Bharti Gas chu Private Gas Company Mizoram a rawn lut pahnihna an nia hriat a nih thu sawiin, Mizoram mipuiten Gas hnianghnara hman tur an mamawh a, chutih mek laia Bharti Gas in Home Delivery-a Gas an rawn pe tur chu thil lawmawm tak a ni dawn a ni, a ti a. Bharti Gas chu mipui tana rinngam leh service \ha taka kalpui company ni tura chahin, rinawm leh \ha taka service an kalpuia, miten an mamawh hun taka an kawngka ah ngei Gas an pek zat zat theih phawt chuan Consumer an neih belh zel dawn bakah Mizoram journalist te thian tha an ni dawn a ni, a ti a. Service \ha lo taka an kalpui emaw, an Gas bur tihchingpen te hriat a nih fo chuan Journalist te chu an hmelmaah an chang mai dawn thung a ni, a ti bawk.
Bharti Gas General Manager, Pankaj Kumar Borah chuan an LPG chu Domestic Cylinder kg 15.6 leh Commercial Cylinder kg 21 a nih thu sawiin, Domestic cylinder hi LPG cylinder dangte aiin kg. khat chuangin a rit zawk a, Bharti Gas chuan kg 6 leh kg 4 cylinders te pawh neih thuai a tum a ni, a ti. Assam ramchhung Kamrup bulah ni khata cylinders 6000 thun khat thei LPG Bottling Plant an neih thu leh Silchar bulah Bottling plant bun belh an tum mek thu pawh sawiin, Mizoram-ah consumer an neih tam dan azirin Bottling plant bun belh hna hi chak zawka kalpui theih a nih tur thu a sawi a. Bharti Gas chu Silchar a\angin Distributor in a rawn dah \hin tur thu leh, khawih chingpen (tampering) lakah a him tur thu sawiin, Filled cylinders man chu danglam fo tur a nih thu a sawi bawk.
Bharti Gas hian Mizoram hmun hrang hrangah Agent tur an tifel tawh a, Aizawl bikah Agent tur hi 4 (pali) an nei tawh a, Home Delivery hi Aizawl bikah kalpui a nih phawt tur thu General Manager Pankaj Kumar Borah chuan a sawi bawk.

Comments

Popular posts from this blog

PAN CARD an tih teh fo hi - Laldinpuia