ILP chungchang sawiho leh

Chamber of Commerce, Serchhip hruaitute leh Serchhip Sub-Hqrs. YMA hruaitute chuan nimin tlai khan inkawmna neiin sumdawng ten ILP avanga harsatna an tawh te an sawiho.

Serchhip Sub-Hqrs. YMA Office a he inkawmna hunah hian Chamber of Commerce Secretary, F. Lalthlamuana chuan Mizoram-a ILP kenkawh meka sumdawng ten harsatna an tawh te tar-langin, Serchhip-a sumdawng te hian State pawn-ah bungrua order in, hei hi a hlawmin midang in an rawn pe \hin tih an sawi a. Amaherawh chu ILP hi a ngheta pek theih a nih tak loh avang leh Temporary permit chu ni 7 chauh a nun avanga heng bungraw rawn kengtute hian a semchhuahna lamah harsatna an tawh te a sawi a. Hemi hnu hian Chamber of Commerce Member dang te pawhin an harsatna tawh te an sawi hemi hnu hian sawihona neih a ni.

He hunah hian YMA hruaitute chuan ILP pekchhuah chungchangah thuneihna an neihloh thu sawiin, Dan kenkawhna kawngah kan ram leh hnam himna tura theihtawp erawh an chhuah thu an sawi a. ILP chu Temporary in ni 7 chauh dam mah se ni 7 dang atan pawhsei theih a nih thu pawh an sawi bawk a. Hei vang hian Dan awmsa baka kal chu \ha an tihloh thu an sawi bawk a. Hemi hnu hian sawihona neiin YMA lam chuan Dan anga hmalak zui zel leh Dan anga kal zel an tum thu an sawi a ni.