Latest News

MZP hruaituten Vairengte-a IR duty tlawhin thawktu an indaihlo hle niin an sawi

MZP General Hqrs. hruaitute chuan Inrinni khan Vairengte dai Sipai Camp hlui a awm mek IR te chu tlawhin Vairengte-a Tempiory ILP siamna hmun pawh an tlawh bawk.
Vairengte dai-a IR Police duty mek te an tlawhna hunah hian MZP General Hqrs. President, L. Ramdinliana Renthlei chuan MZP chuan kan ramri hi a vei em em tih sawiin, “Tunhnaia vei thar ta thut kan nilo a, kan hruaitu kal chhuak ta a\anga vei kan ni a. MZP chuan kan ramri fel theih nan ke kan pen zel dawn a ni,” a ti a. “Helai hmuna kan hotute in awm hian Mizo mipui kan thla a muang a, Mizo mipui tan chuan ralvengtu in ni a, lo hre awm deuh pawh nise ram tan a ni tih hria a chhel taka awm turin MZP chuan kan duh che u a ni,” a ti. Tuna IR Temporary post chu an chhuahsan leh mai ang tih MZP chuan a hlau hle tih pawh sawiin MZP President chuan, “Vairengte khua mai bakah Mizo mipui te hian Camp puitling a nih a in awm hlen hi kan duh hle a ni. Mizoram Sawrkar pawh he IR Camp hi la chhuak mai lo a, an awmhlen theih nana a theih ang ang a chei \ha turin leh la chhuak tawh lo turin kan ngen nghal a ni,” a ti bawk.
Helai hmun tlawhtu MZP General Hqrs. hruaitute hi MZP Hqrs. Kolasib hruaitute, MZP Vairengte Sub-Hqrs. hruaitute leh JAC on Inner Line Reserved Forest hruaitu te chu an \awiawm a, helai hmuna awm Sub-Inspector, Vanlalhruaia leh a hoten an lo dawng sawng a. MZP chuan IR Camp-a awm te tan hian an mamawh ni a an hriat Sintex Litre 1000 dawng leh tui dah thianghlimna (Filter) an pe bawk.
Tun dinhmun ah IR Camp-ah hian Driver leh IV Grade te nen mi 17 awm mekin Patrolling ti tura tih nimahse Sipai indaihlohna avangin an Patrolling thei lo a, Motor an neilo bawk tih MZP chuan an sawi.
MZP hruaitute hian Lailapur-a Assam Forest Department in Forest Beat Post an sak pawh a hmun ah hian an tlawh nghal a, Assam Forest beat post hi a lo changtlung tawh hle niin an sawi a. Hemi hnu hian Vairengte-a Teamporary ILP siamna hmun pawh tlawhin ILP Counter a duty te chuan Assam NRC demand a nih a\angin ILP siam an tlem sawt thu an lo sawi a, hetianga NRC neilo hi nitin mi 15-20 vel hnar \hin thu an sawi bawk.

Comments

Popular News (Last 30 Days)