Serchhip-ah NTUM ten an thilphut tih hlawhtlin ngiatin lungawilohna an lantir

National Trade Union of Mizoram (NTUM) chuan sawrkar-a an thilphut hrang hrangte tih hlawhtlin phutna lantirin nimin khan Mizoram hmun hrang hrangah Peaceful Demonstration an nei a. Serchhip-ah pawh NTUM Member te hian he hun hi Serchhip Auditorium-ah an hmang a ni.
NTUM District Hqrs. Serchhip in Peaceful Demonstration an neih hi an Vice President, R. Vanlalpeka chuan kaihruaiin an President, H. Laldawnkima chuan he hun an buatsaih chhan leh an thilphut hrang hrangte a sawi a. National Trade Union of Mizoram (NTUM) chuan sawrkar-a MR-a thawk te tan kawng hrang hrangah hma a lo lak tawh \hin thu leh an hmalakna avang hian tunah pawh MR \hahnem tak a ngheta sawrkar-a lut tur an awm thu sawiin, hetianga MR te tana thawk nasa hi NTUM lo pawl dang an awmloh thu a sawi a. Chutihrual chuan a nawlpui a MR te dinhmun erawh a la chhe hle tih sawiin, hei vang hian an hruaitu ten ngaihtuahna tam tak sengin thil \ha zawk an ngaihtuah a, dinhmun thar (New Category) chu sawrkar-ah an dil tih sawiin, Sawrkar pawhin Study Team te dina proposal siam mah se an proposal siam erawh chuan NTUM te duhthusam a thleng zo lo tih a sawi a. Hei vang hian an thilphut te tih hlawhtlin a nih theih nan Peaceful Demonstration chu huaihawt ta an nih thu a sawi bawk.
Nimin-a Serchhip-a NTUM member kalkhawmte hian MR te dinhmun chhe tak a\anga Workcharge dinhmun a hlankai an phut laia Muster Roll Employee te aia dinhmun \ha hret, Provisional Employee-a sawrkar in dah a tum chu an lawm thu sawiin, amaherawh chu he dinhmun ah luah chuan Labour Law an hman theih dawn loh avangin Conducts Rules emaw, Guidelines emaw siam sak an phut thu te, Earned Leave pek phal an nih loh pawhin Casual Leave bakah kum khatah ni 15-20 chawlh khawl theihna ruahman sak ve an duh thu te, Medical Benefits ruahman sak ve an phut thu te, Pension benefits atana remchang engemaw ruahman sak ve an phut thu te, Office Working hours pawn lamah hna an thawh nasat avangin Overtime Allowance pek dan ruahman sak an duh thu te, Group C leh D te tan hlawh ennawn sak an duh thu leh sawrkar hna an thawh laia boralte tan zangnadawmna remchang siam sak an duh thu te an sawi bawk.
NTUM-ah hian sawrkar Department hrang hrang hnuaia MR-a thawk te telin nimin a he hun an hmanna ah hian mi 100 50 vel an tel a, he huna tel te hian an thilphut hrang hrangte ti hlawhtling tura sawrkar an phut thu Resolution siamin an pass bawk a ni.

Comments

Popular posts from this blog

PAN CARD an tih teh fo hi - Laldinpuia