Ram leh Hnam himna tura hmalakna ropui tih thu sawi

MNF Party chuan Mizoram sawrkarin ram leh hnam himna tur ngaihtuaha hna a thawhte chu ropui an tih thu sawiin, ram neitu sawrkar fakawm an tih thu an sawi.
Nimin a thuchhuah an siamah MNF Party chuan kan \henawm Assam in foreigner laka an inven nan National Register of Citizens (NRC) kalpuiin August 31, 2019 khan Final List an tlangzarh a. NRC-a tello te Mizoram-ah an luh loh nan Mizoram sawrkarin theihtawp a chhuah thu leh Vawiin thlengin kan la inveng him zel nia an hriat thu tarlangin, Mizoram sawrkarin hnam himna tura hemi kawnga a hnathawh chu a chhuanawm hle tih an tarlang.
Nikum-a NRC Draft List an tlangzarh khan khatih laia Mizoram sawrkar khan inven \ul an ti lo nia tarlangin, MZP mangang an duty hial thu leh tam tham tak man an ni nghe nghe tih pawh an tarlang a. NRC Final List an tlang-zarh hma khan Home Minister, Lalchamliana'n inring turin thuneitute a lo chah lawk tawh nia tarlangin, Assam a\anga Mizoram-a kal tura ILP diltute pawh NRC-ah an hming a lang a nih loh chuan pek loh tur tiin a chah bawk a. Chu chu a taka langin, Chief Secretary leh Police-te leh thuneitu dangte'n \ha takin an bawhzui a, Assam-in foreigner an tihte Mizoram-ah an rawn luh loh phah tih an tarlang bawk.
Hei bakah hian MNF thuchhuah chuan Tripura-a Relief Camp-a mite chungchanga Mizo-ram sawrkar hmalakna pawh fakawm an tih thu pawh an tarlang a. Sawrkar in Mizote kan himna tur nasa taka ngaihtuahin 'The Mizoram Maintainance of Household Register Bill,2019' chu House-ah a lo pass fel tawh thu leh Governor-in pawmpuina a ziahfel turin a awm mek tih pawh tarlangin, Mizoram sawrkarin ram leh hnam humhalh zawnga tih takzeta hna a thawk chu lawmawm an ti takzet tih an sawi a ni.

Comments

Popular posts from this blog

PAN CARD an tih teh fo hi - Laldinpuia