Health Care kalphung thar duan fel a nih tawh

Mizoram sawrkar-a Health & Family Welfare Board Vice Chairman, Dr. ZR. Thiamsanga MLA chuan Health Care kalphung thar duan fel a nih tawh thu sawiin, October thla a\anga December thla thleng hian inziahluh theihna hun hawn a ni dawn tih a sawi.
Nimin-a Aizawl Mizo Hnam Run-a MNF Chhung Inkhawm ah Dr. ZR. Thiamsanga hian thu sawiin MNF term hmasaa Health Minister, R. Tlanghmingthanga a nih laia sawrkar-in Health Care a duan leh \ha taka a kalpui chu Congress an sawrkar hnuah hmang mumal thei lovin kan awm ta nia sawiin, Chief Minister-in Health lam leh Education lam ngaih pawimawh bikah a nei chho ta chu a lawmawm hle tih a sawi a. Health Care kalphung thar an duan fel takah hian natna zawng zawng deuhthaw-ah nuai 2 chin a bill theih dawn tih a sawi bawk.
Dr. ZR. Thiamsanga chuan, Mau hmangin Zoramin nasa takin hma a sawn ngei dawn tih pawh sawiin, “Ram dangin Mau an \hatpuizia leh dinchhuah nana an hmanzia kan hria a. Mau hmang hian Zoram hian hmasawnna thar hmel a hmu ngei dawn tih hi a chiangin ka hria,” a ti bawk.

Comments

Popular posts from this blog

PAN CARD an tih teh fo hi - Laldinpuia