Aizawl-ah 'World Day of the Deaf' hman a ni

Khawvel puma ri hriatna lama harsatna nei te puala Ni, 'World Day of the Deaf' chu nimin khan Aizawl-ah Taxation Department Auditorium-ah hman a ni.

'World day of the Deaf' puala inkhawm nimin-a neih hi National Health Mission-a Mission Director, Dr. Eric Zomawia chuan a kaihruai a, he huna khuallian H. Lalengmawia IAS, Secretary, Health & Family Welfare chuan Naupang bengngawng chu a hun taka enkawl anih chuan a dam thei tih sawiin, “Bengngawng enkawl kawngah Mizo mipuite kan \hanharh a, harsatna tawk te duat taka enkawl leh \anpui hi kan tih tur a ni,” a ti a. Bengngawng leh natna dang laka inven nan a hun taka hri danna lak \hin a pawimawh tih a sawi bawk. Health Secretary hian Health Department a thawktu indaihlohna chhawk zangkhai turin hnaruak 734 hnawhkhah tum a nih thu leh Zoram Medical College ah hnaruak 219 hnawhkhah tum anih thu a sawi bawk.

Bengngawngte Ni hmanna inkhawma khual Zahawm MJA President, Zonunsanga Khiangte pawhin bengngawng te chuan ri an hriat theih loh avangin an khawngaihthlak hle tih sawiin, "Nuam zawka bengngawng ten hun an hman ve theih nan hmangaih taka kan enkawl mai piah lamah anmahni biak theihna atan Sign Language pawh kan hriat a pawimawh a ni,” a ti a. Mizo mipui ten piangsualte an talent haichhuah nachang kan hre ta chu lawmawm a tih thu a sawi bawk.

Mithiamte sawi danin khawvel pumah Beng ri hriatna \ha lo mi maktaduai 460 an awm mek a, Mizoram-ah hetiang lama harsatna nei hi mi 4000 vel an awm bawk a ni.