Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Loneitu ten Pension an hmuh ve theihna tur PM-KMY chu Mizoram-ah tlangzarh a ni

Agriculture Department Minister, C. Lalrinsanga chuan nimin khan loneitu ten Pension an hmuh theihna tura ruahmanna, Pradhan Mantri Kisan Maandhan Yojana (PM-KMY) a tlangzarh a. PM-KMY hi Sawrkar laipui leh Life Insurance Corporation of India-te \angkawpa din a ni.

Assembly Annexe Conference Hall-a PM-KMY tlangzarhna hunah hian Agricuture Minister chuan  Pradhan Mantri Kisan Maandhan Yojana (PM-KMY) chu Mizoram-a loneituten \angkai taka an hman a, a dawng thei awm midangte pawh inhrilh hre zel turin a chah a. Sawrkai laipui a\anga sum hmuh \hin te chu kan ramchhungah ngei peipun thiam a, Mizoram economy siam \hat nana hman thiam a \ul hle thu sawiin, ngaihtuahna fim tak hmanga ei leh bar a intodelh tuma hmalak a pawimawh thu a sawi bawk. Agriculture Minister chuan Sawrkar hmalakna hnuaia hmachhawp thuhmun si, mah se thawktu emaw thawhdan hrang tlat si a awm \hin chu siam rema, chak leh mumal zawka hna kalpui a \ul thu a sawi a. Agriculture department in loneituten awmze nei zawk leh hlawk zawka an buh leh thlai te an tharchhuah theih nan District pali (4)-ah FOCUS kalpui mek anih thu leh Global Environmental Facilities hmanga hmalak anih thu a sawi bawk.
PM-KMY hi India ram puma loneitute, ram Hectare 2 aia zaulo neite hnenah an lo upat a, an tan kut hnathawka eizawn a lo harsat hun atan leh hlim taka an khawsak ve theih nan Pension Scheme, kum 60 an lo tlina an hman \an theih tura sawrkar laipui in a duan a ni a. He Pension Scheme hnuaiah hian loneitute an inziahluh a, ruahmanna siam ang thlap an zawm chuan kum 60 an lo tlin hunah thla tin Rs. 3,000/- an la thei dawn a ni. Loneitu kum 18 a\anga kum 40 tan inziahluh theih a ni a, thla tina an pek tur zat pawh an upat dan a zirin bithliah fel vek a ni a, kum 18 chuan thla tin Rs. 55/- a pe anga, kum 40 chuan thla tin Rs. 200/- a pe anga, loneitute pek ang zat hian sawrkar chuan a dolet ve dawn a ni.
He Scheme-a in-register duhte chu an awmna a\anga Common Service Centre (CSC) hnai berah an Aadhaar Card leh Bank Pass Book kengin an in-register thei a, in-register-na atan hian Fee engmah chawi ngai a awm lovin CSC-te hi Sawrkar laipuiin enrollment ti tura a ruat an ni a. Tun dinhmunah Mizoram-ah CSC-a thawk mi 460 an awm a, chung zingah chuan active tak chu 178 an ni.
He Scheme hnuai thla tina loneitu in a chhunluh ve tur sum chu PM-KISAN-a beneficiary lo ni tawh te tan chuan anmahni duhthlanna in PM-KISAN hnuaia pawisa an dawn tur a\angin Pension Fund-ah direct-in chhunluh sak theih an ni a. Thla tina pek remchanglo te tan thla thum dan (quarterly) emaw, thla 4 dan (4 monthly) emaw, kum chanve dan (half yearly) emaw pawhin pek hun tur ni bithliah (due date)-ah chat chat a pek theih a ni. He Scheme-a in-register ni zel chu Due Date a ni nghal ang.
PM-KMY hi Sawrkar laipui leh Life Insurance Corporation of India-te \angkawpa din a nih angin Pension hi LIC Pension Fund a\anga pekchhuah \hin a ni anga. He Scheme-ah hian loneitute nupui/pasal pawh a hrangin a in-register theih a, a hrangin pension pawh kum 60 an tlinah Rs. 3,000/- ve ve an dawng thei ang.
Loneitu, he Scheme-a inziaklut, kum 60 a tlin hmaa boral an awm chuan a nupui/pasal-in thla tina a pek \hin pe chhunzawmin a nupui/pasal boral ta-in kum 60 a lo tlin hun angah pension hi a la thei dawn a. Amaherawhchu a nupui/ pasal hi he Scheme-a lo inziak lut (registered) ve tho a nih chuan a pek chhunzawm theih loh anga. A nupui/pasal boral ta-in thla tina a pek \hin a pe chhunzawm duhlo a nih chuan a boral ta-in a lo thawh tawh chu a pung nen a nupui/pasal hnenah pek a ni ang a. Hun laklawha titawp duh tan a sum thawh chu a pung nen a lalet thei bawk ang.

Comments

Popular News (Last 30 Days)