Serchhip District-ah FMD Vaccine pek mek a ni

Sawrkar laipui thupek angin tunlai hian Ser-chhip District chhunga khaw hrang hrangah Ran Ke leh Ka na hri, Foot and Mouth Disease (FMD) vaccine pek hna chu ngawrh taka kalpui mek a ni.

Sawrkar laipui chuan tunhnai khan ramchhunga State hrang hrangte chu September thla chhunga Ran Ke leh ka na hri, FMD Vaccine pek beihpuithlak tur hian a ti a, hemi ang hian September thla tir a\ang khan vaccine peih beihpui hi thlak niin he Vaccine hi ke 4 nei chi Bawng, Sial, Lawi leh a dangte pek an ni a, Mizoram rual hian State 23-ah FMD Vaccine hi pek a ni a, a thawh hnihna atan nakum March leh April velah pek leh a ni ang.

Serchhip District chhunga khaw hrang hrangah pawh FMD Vaccine pek hna hi kar kalta Nilaini a\ang khan thawh chhoh mek niin Vety Department-a thawk te chu khaw hrang hrangah kalin hri danna hi pek a ni a, tun thla chhunga zawhfel hman ngei an beisei thu an sawi. AH&Vety Department-a thawk te chuan ran neitu zingah vaccine pek remti lo an awm \hin tih sawiin, ran neitute chu mipuite \hatna tur zawk a ni tih hriaa an hmalakna hi thlawp turin an ngen a, vaccine pek tir duhlo te chu hrem theih an ni tih an sawi bawk.

Foot and Mouth Disease atana hri danna pe tur hian ran ke na hri vei thei zawng zawng - Bawng, Sial, Lawi, Vawk, Kel leh Beram te pek vek tura ruahman a ni a. Food and Mouth Disease hi India ram pumah kum 2025-ah chuan khuahkhirh (control) vek a, kum 2030-ah phei chuan Animal Disease Control Prog-ramme chuan India ram a\anga awm tawh miah lo turin vaccination hmanga umbo (eradicate) tum a ni bawk.

Kum 2012 ran chhiarpui a\anga a lan danin Mizoram-ah Bawng 38268, Lawi 5028 leh Sial 3283 a awm a, chhiarpui hi kumin hian neih leh a niiin zawh a ni tawh a ni.