Flagship Programme Raw chi siam supply hi mimal sum siamna mai a ni ang - Zodintluanga

Nimin khan Siaha Congress Bhavan-ah 'Mara DCC Conference-cum-General Election 2019' neih a ni a. He hun hmanpuitu MPCC Treasurer leh Congress Legislature Party (CLP) Leader, Zodintluanga chuan MNF sawrkar Flagship Programme chu an hotu lu ber a\anga \helhin sum siamna atan mai an hmang dawn nia a lan thu a sawi.

Mara District Congress Committee Conference leh hruaitu thlanna nimin a neih ah hian Zodintluanga MLA chuan MNF sawrkar-a an hotu lu ber Chief Minister chuan Assembly House-a a sawi chu 'Raw chin tur kha a chi an buaipui mek a, a buaipuitute zuk biain an Monu a lo dam loh avangin an lo thawn thei rih lo,' a ti a ni tih sawiin, 'Nakin lawkah a chi tam tak an lo thawn ang,' a ti bawk tih a sawi a. Chief Minister-in House-a a sawi chu sawrkar thuchhuak a ni tih sawiin, “Hetihlai hian Hnam Runa tunhnaia a thusawiah sawrkarin rua chu an buaipui dawn loh thu leh a buaipuitute hnen a\angin supply a nih tur thu a sawi ta daih a ni. Hetiang a nih chuan Lengte ramah Raw chi an ching \euh a, he thil hi sum siam nan mai mai a buaipui tih hi a chiang a ni mai lawm ni?” tiin Rua chungchanga sawrkar hmalakna chu mimal sum siamna mai a nih theih thu a sawi a. MNF hian an Flagship Programme hi an hotu lu ber a\ang hian an \helhin sum siamna atan mai an hmang dawn nia a lan thu a sawi bawk.
Congress Legislature Party Leader, Zodintluanga chuan MNF sawrkar chu an sawrkar tuk lawk a\anga mi chawbela awm sa chhuhsaktu an nih avangin 'Ni \ha lova roreltu' an nih thu sawiin, sawrkar thar hmalakna hmasa ber chu itsikna mai a nih thu a sawi a. “Ni \ha lova roreltu an nih lanna chu an sawrkar tirh phat khan an rorel hmasak berah itsikna, mite ta chhuhsak pawisak lohnain an \an a ni. Sawrkar hmasa contract hna an pek Work Order an kawl vek tawhte pending sakin an chhuhsak a, mi thleng ami an va awt ngawih ngawih hi a zahthlak a ni,” a ti bawk.
Autonomous District Council pathum kan neih- Lai, Mara leh Chakma ADC te chu State-ah Congress-in rorelna a chan lai chuan thlamuang taka ro relin buaina a awm ngailoh thu pawh sawiin, “Tunah MNF-in thla 7/8 chauh an rorel laiin tunhmaa an zia pholang lehin heng District Council pathumte hi an tibuai vek,” tiin mipui thlan lal rorel mumal theilo in an siam tih a sawi bawk.

Comments

Popular posts from this blog

PAN CARD an tih teh fo hi - Laldinpuia