Rastriya Poshan Maah (National Nutrition Month) denchhenin Poshan Rally neih a ni

/
Poshan Abhiyaan (National Nutrition Mission) hnuaia Rastriya Poshan Maah (National Nutrition Month) kalpui mek denchhenin nimin khan Serchhip DC Office kawt a\anga IOC Kawn thlengin Poshan Rally neih a ni.
District Level Convergence Committee on Poshan Abhiyan \hukhawmin a lo rel tawh angin Poshan Rally hi nimin chawhma dar 11:00 khan Serchhip District Bawrhsap, Sangchhin Chinzah chuan Serchhip DC Office tual a\angin a vailiam a, he hun hi Serchhip ICDS Project-a CDPO, Lalbiakliana chuan kaihruaiin a kaihhruaina hnuaiah hian Nutrition pawimawhna thutiam chhamrualna (Oath taking) neih a ni a. Hemi hnu hian District Bawrhsap, Sangchhin Chinzah chuan thu sawiin ram hmasawnna atana ei leh in uluk a pawimawhna te, nu in nau a pai lai a\anga inenkawlna \ha a mamawhna leh a pawimawh te leh Sikul kal ruallo te tan Anganwadi-a kal a pawimawhna te a sawi a. Poshan Abhiyan chu March ni 8, 2018 khan India PM, Narendra Modi-a’n Jhunjhunu, Rajasthan-ah a hawn thu sawiin, Poshan Abhiyan in a tum ber chu Malnutrition tih tlem niin hriselna atana ei leh in leh chaw \ha inkawhhmuhna a nih thu te, Nutrition leh Hriselna chungchang thu thehdarh leh inzirtirna atan a Hapta mai nilo, hun rei zawk a hman mek a nih thu te leh kan ram ngei a thlai leh thei te chu taksa tana hrisel leh eitur \ha an nih hre thar a, ei uar tura mipuite a chahin Poshan Maah Rally hi a vailiam a ni.
Nimin-a Poshan Rally-ah hian Serchhip khawpui chhunga Anganwadi Worker leh Helper te bakah UD&PA Department in a kalpui mek DAY-NULM hnuaia Self Help Group (SHG) Member leh Govt. New Serchhip Middle School zirlai naupangte pawh an tel a, he Rally-a tel te hian ‘Eitur |ha-Ram Hmasawnna’ tia aurualin kawng hi an zawh a ni.
Kum 2022-ah chuan India ram chu Malnutrition Free, Chaw \ha taksa mamawh tawk hmu lo awm lohna ram-a siam tum niin hemi atan hian Pooshan Maah hi kalpui a ni a, mipuite hnena Nutrition pawimawh zia puan-zarna atan nikum a\ang khan hman niin kumtin September thla ah hman tura ruahman a ni a, kumin ah pawh thupui hrang hrang hmangin chawlh-kar tin hman tura ruahman a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »