Latest News

Food Mela & Demonstration Programme hmangin Zirlai ten Poshan Rally an nei bawk

Sawrkar laipui hmalakna, Poshan Maah (Nutrition Month) kal zel denchhenin nimin khan Serchhip CMO Conference Hall-ah Serchhip ICDS Project Office buatsaihin Food Mela & Demonstration Programme hman a ni.
Food Mela & Demonstration Programme hi Serchhip ICDS Project-a CDPO, Lalbiakliana chuan kaihruaiin Serchhip BDO, Vanlalhmachhuana chuan khuallian niin he hun hi a hmanpui a, khuallian chuan Mizote chuan changkanna lamah nasa taka hma sawnin ei leh in-ah pawh thil changkang leh a tui tui kan ei ve thei ta a, amaherawh chu thil tui kan eihnem rual erawh chuan eitur hrisel \ha erawh kan eitlem hle thung si a ni, a ti a. Eitur tuihnai ringawt ei lovin, taksa leh hriselna atan \ha, keimahni rama kan tharchhuah ngei te hi kan ei tam tur a ni, tiin, eitur hrisel ei loh chuan kan hriselna nasa taka nghawngin, damlo inenkawlna ah pawisa kan luanral nasat tir em em \hin tih a sawi a. Hei hi ngai pawimawhin ram mipui ten eitur hrisel kan ei theihna turin Sawrkar laipui pawhin hma a lak thu a sawi bawk.
He hunah hian Dr. Samuela, CMO Office chuan eitur hrisel ei loh avang a natna hrang hrang kai theih te kalkhawm te hmaah sawiin, Hannah Lalrohlui Betlu, Horticulture Extension Officer pawhin kalkhawmte hma ah eitur hrisel chi hrang hrang te leh an \hatna leh an hriselna te a sawi bawk.
Nimin a Serchhip-a Food Mela hmanna ah hian Serchhip ICDS hnuaia Anganwadi Worker te chuan eitur hrisel siam dan a intihsiakna neiin, hetah hian Serchhip Chanmari-III leh P&E-III Anganwadi Workers inkawpte chuan ti\ha berin lawmman pakhatna an dawng a, New Serchhip-II leh New Serchhip Vengthar Anganwadi Workers inkawpte chuan lawm-man pahnihna dawngin, IOC-II leh New Serchhip Sihphir Anganwadi Workers inkawpte chuan lawmman pathumna an la bawk.
Brilliant HSS Serchhip-a NSS Volunteer te pawhin nimin vek khan Poshan Maah (Nutrition Month) pualin an School a\anga Helipad peng thlengin Poshan Rally an nei a. Poshan Abhiyan pual hian Mizoram-a Higher Secondary School 10-a NSS Unit thlanchhuah te chu hun hmang tura tih niin kar kalta Zirtawpni khan Brilliant HSS Serchhip hian chaw \ha ei pawimawh zia inzirtirna hun chu an School-ah an lo buatsaih tawh a, he Programme kal zelah hian nimin khan Poshan Rally hi neiin Rally neih hmaa inkhawm tawi an School Tual-a neih ah NSS Programme Officer, TC. Lalrinnunga chuan he hun an buat-saih chhan leh chaw \ha ei pawimawh zia te sawiin, hemi hnu hian zirlaite hian an School a\anga Helipad peng thlengin kawng hi an zawh a, an kawngzawhna ah hian Chaw\ha ei pawimawh zia tarlanna thuziak hrang hrangte an keng lang bawk a ni.

Comments

Popular News (Last 30 Days)