Health and Wellness Centre-a hlankaina hmanpui

Health & Family Welfare Minister Dr. R. Lalthangliana chuan nimin khan Zembawk Urban Primary Health Centre (UPHC), Health & Wellness Centre a hlankaia a building sak thar chu a hawng.
Health & Wellness Centre hawnna inkhawm ah hian Health Minister Dr. R. Lal-thangliana chuan Health & Wellness Centre hawn a nih theih nana ram petu khawtlang chungah lawmthu sawiin, Local Council leh NGO hrang hrang leh mipui te \anrual avanga hetiang hmun nei thei an nih thu a sawi a. Zemabawk a Cancer inenkawlna tur, Cancer Specialty Centre leh Hospital cheng vbc. 500 hu chu JAICA sum a ruahman tum mek anih thu leh cheng vbc. 480-a RIPAN tihchangtlunna Central Sawrkarin a rawn ruahman fel a nih thu sawiin, Chief Minister bial chu an vannei hle tih a sawi bawk.
Health Minister chuan tunhnaia Mizo-ram in hriselna kawnga a tih \hatna leh hmasawnna awm te sawiin, kum 2010 SRS Survey Report-ah Mizoram IMR (Nausen kum khat hnuailam thi zat tehna) chu 37 niin, SRS Bulletin thar ber May, 2019-a tihchhuah ah kan IMR hi 22 laia tlahniamin tunah chuan 15 a ni ta tih sawi a; NITI Aayog in June 2019-a Health Index Card an tichhuah ah State tenau (Small State)-ah Mizoram chu ti \ha ber niin point 74.97 a hmuh thu leh State lian zinga ti \ha ber Kerela aiin point 0.96 a san zawk thu a sawi a, “Kan dinhmun hi India ramah chuan a sang ber niin a lang,” ti. Health and Wellness Centre-a hlankai ah hian Building thuam thar leh a \ul anga sak thar te, a thlawna Laboratory Investigation tih theihna tura thuam te, Damdawi tam zawk a thlawna dawn theihna tur a thuam te, Sub-Centre ah thawktu a \ul dan anga damdawi phal chin chawh ve thei tur dah bakah tih changtlunna tur chi hrang hrangte a tel bawk a ni.

Comments

Popular posts from this blog

PAN CARD an tih teh fo hi - Laldinpuia