SDVA Season Opening Tournament-ah Vengchhung VC leh Chhiahtlang VC an champion

/
SDVA Season Opening Tournament chu Inrinni khan zawhfel niin Mipa-ah Chhiahtlang VC leh Hmeichia ah Vengchung VC te an champion.
Serchhip Vengchung Volleyball Court-a khelh Serchhip District Volleyball Association (SDVA) Season Opening Tournament hi Inrinni khan chawhma lamah Hmeichhe Final khelin chawhnu lamah Mipa Final khelh a ni a, he Tournament kharna inkhawm chawhnu dar 1:00-a neih chu Serchhip District Sports Committee Vice Chairman, Lalremruata Ralte chuan khuallian nia hmanpuiin Serchhip District Volleyball Association chuan nasa taka hma a lak thu leh hei hi Mizoram Volleyball Association ten kum khat chhunga hma la \ha ber District lawmman an siam a zawna kum hnih an la thei chuan a tarlang chiang hle tih a sawi a. Chutihrual chuan Volleyball Players ten kan hruaitute tha ti chak tura \an an lak ve zel a \ul thu pawh sawiin, Mizoram pum huap pawha players langsar ni thei tura \an an lak a \ul thu leh Volleyball lamah Mizoram pum huap Trophy kan la dawn mumal loh dawng tura \an an lak a \ul thu a sawi a. Serchhip a\anga Volleyball Players ten State pum huap inelna ah Indoor-a khelh a nih \hin avanga harsatna an tawh sutkian a nih theih nan Indoor Court nei turin theihtawp chhuaha \an an lak zel thu leh a hlawhtlinna pawh hmuh ngei an beisei thu a sawi bawk.
He Tournament kharna inkhawm hi SDVA President, K. Tlangthanmawia chuan kaihruaiin Technical Committee Chairman, C. Laldinpuia chuan he Tournament report pein tun \um Tournament-ah hian Mipa-ah team 13 leh Hmeichhia-ah team 5 telin Serchhip khaw pawn lam a\angin Team 5 an rawn tel bawk a ni.
Serchhip District Volleyball Association (SDVA) Season Opening Tournament Final-ah hian Hmeichhia ah Vengchung VC chuan Women Star chu 3-1 a hnehin an champion a, champion hian lawmman ah Rs. 6000/- dawngin pahnihna in Rs. 4000/- an dawng a. Mipa Final-ah Dinthar VC (Red) leh Chhiahtlang VC te inhmachhawn lehin a chak zawk hian lawmman ah Rs. 10,000/- dawngin pahnihna in Rs. 5000/- an dawng bawk a ni. Serchhip District Volleyball Association hian tun Season tluan-a Tournament an buatsaih dan tur ruahman fel tawhin heng zingah hian naupang zawkte tana Tournament tam zawk huaihawt turin ruahmanna an siam bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »