Mizoram-a Green Road hmasa ber siam tum a ni

Save Chite Lui Coordination Committee (SCLCC) chuan Chite Lui-a polythene hnawmhnawk lutte hmanga Mizoram-a Green Road (Plastic Road) hmasa ber siam dan tur hmalakna kal mek an thlirho.

Hemi chungchanga sawrkar thuchhuahin a tarlan danin Kawng siamna atana hman zui theih chi, polythene hnawmhnawk zinga rawng nei lo leh a fim chi te chu Chite leh a fintu lui hrang hrang a\angin SCLCC chuan quintal 2 a lei khawm tawh a, heng te hi PWD kutah a hlan chhawng tawh a, hman mai theih turin singsak zui a ni dawn a ni.

SCLCC Chairman, Chief Secretary, Lalnunmawia Chuaungo hova tunhnaia SCLCC \hukhawm chuan Mizorama Green Road hmasa ber atan Reiek khawchhung a\anga Zokhua Cafeteria inkar kawng, KM khat a thui chu an thlang fel a. Kumin kumtawpa Anthurium Festival neih hma ngeiin he kawng hi peihfel hman ni se an ti a, PWD hnuaia Aizawl Road South Division-in an bawhzui dawn a ni. He kawng hi kawng pawimawh tak a nih dawn avangin uluk taka siam nise an ti a, a tir a\anga vilpuitu tur Monitoring Group pawh din nise an ti a; hemi atan hian tlawmngai turin NGO-te sawm nise an ti a. Mizoram tan a vawikhatna a nih dawn avangin kawng siam \an tirh a\anga mipui hman theih tura hawn a nih thleng mumal takin documentary film a siam nise an ti bawk.

Reiek a hetiang tihchhinna (experimental project) bakah hian Mizorama lui hrang hrang leh veng hrang hrang hnawmhnawk zinga polythene rawng nei lo chite chu a tahtawlin kawng siamna atana hman zel turin project lian tham zawk siam nise an ti bawk.