Sawrkar kum kal mekah Serchhip DC Office a\angin ILP 316 pekchhuah a ni tawh
Sawrkar kum kal mek, kumin April thla a\anga nimin thleng khan Serchhip DC Office a\angin ILP pekchhuah thar 316 an awm tawh a, heng zingah hian Cement Mistiri hna thawk tura ILP pekchhuah chu a tam ber niin Serchhip District chhunga Company hna thawk tura pekchhuah chu an tam hle bawk.
Serchhip DC Office a\anga thu kan dawn danin sawrkar kum kalmek, kumin April thla a\anga thla 6-na kan hman mek chhungin Serchhip DC Office a\ang hian ILP 316 pekchhuah ni tawhin heng bakah hian ILP nei tawh Renew \hahnem tak an awm bawk a, thla tin ILP thar 53 vel pechhuak ang an ni. ILP pekchhuah thar te hi April thla ah 28, May thla ah 55, June thla ah 79, July thla ah 20, August thla ah 75 leh September thla ah 59 te an ni a, ILP buaipuitute chuan Mizoram-a hnamdang rawn lut tur te hi ILP Temporary nen rawn lutin he an Permit hi a thih hmain ILP hi an siam \hin thu an sawi a. ILP te hi a vawikhatna ah thla ruk (6) chhung atan an pekchhuah \hin thu leh hei hi \um 2 renew theih niin a vaiin ILP pakhat hmang hian kum khat leh a chanve (thla 18) awm theiin hei hi a zawh chuan a thara buaipui leh \hin a ngai tih an sawi bawk.
ILP buaipuitute chuan Mizo pakhat in mi 10 thleng ILP hi a sponsor thei tih pawh sawiin, ILP la tur chuan a Form man Rs. 50/- leh Rs. 200/-; Renew tur chuan Form man Rs. 20/- leh Rs. 100/- chawi ngaiin ILP an pekchhuah tur hian Security Deposit Rs. 1000/- chu Bank-ah an deposit a \ul thu an sawi a. ILP lachhuak tur hian VCP hriatpuina thiltel a \ul bakah Police a\angin Verification lak a \ul thu an sawi bawk.
Serchhip DC Office a\anga ILP pek-chhuah ah hian Cement Mistiri hna thawk tura pekchhuah chu a tam ber an nih thu pawh sawiin, Thenzawl-a Facilitation Hub sak hna thawk tur te, Horticulture College sak hna thawh meka thawk tur te, Golf Course siam mek a thawk tur leh Serchhip District-a Oil zawn hna thawh meka hnamdang rawn lut te chu a tam ber an nih thu an sawi a. ILP pekchhuah chu Online hmanga kalpui ala nih loh thu pawh an sawi bawk.
Comments
Post a Comment