Science Congress neih a ni

Rashtriya Madhyamik Shiksha Abhiyan (RMSA) Serchhip leh Science Teachers Association Mizoram (STAM) \angkawp buatsaihin nimin khan Serchhip-ah ‘District Level Chil-dren's Science Congress 2019’ neih a ni.

SSA Block Resource Centre, Serchhip-a ‘District Level Children's Science Congress 2019’ hi RMSA Serchhip District-a Deputy DPC, PC. Van-lalluana chuan kaihruaiin he hun hmanpuitu Serchhip DEO leh RMSA DPC, Lawmawma chuan tunlai khawvel-ah Science chu Subject pawimawh tak a nih tawh thu te, zirlai naupangte chuan Science lama thiamna bik an neih chu an hmalam tan a hlut chhoh zel tur thu te sawiin, Children's Science Congress chu hlawhtling taka nei turin duhsakna a hlan bawk.

District Level Children's Science Congress 2019-ah hian 'Science, Technology and Innovation for Clean, Green and Healthy Nation' tih chu thupui-ah hmangin zirlai naupangte  chuan Khawvel sik leh sa leh ramngaw chhe mek tawh, Science leh Technology thiamna hmanga ramngaw hring leh ram hrisel a siam leh dan tur Powerpoint Presentation hmanga entirin intihsiakna an nei a, a pumpui-ah St. Peter's H/S Chhingchhip chu pakhatna niin Presbyterian English School, Serchhip chu pahnihna an ni a, heng mite hian State Level Childrens' Science Congress-ah Serchhip District ai an awh leh dawn a, Best Guide Teacher atan St. Peter's HSS Guide Teacher chu thlan a ni bawk.