Kawng siam dan tur sawiho

Mizoram Road Fund Board (MRFB) chu nimin khan an Chairman, Chief Minister Zoram-thanga hovin Chief Minister’s Conference Hall-ah an \hukhawm a, kumin 2010-2020 chhunga kawng enkawl, maintenance na tura sum hman dan tur rel a ni.

He \hutkhawm ah hian Chief Minister chuan kalkawng a \hat chuan economy hmasawnna a chak phah zawk avanga kawng \ha neih a pawimawh thu leh chumi atan chuan enkawl zuina -  maintenance lama \an lak \ul a tih thu a sawi a. Kawng thar siamna tur chu State sum in a tlin loh avangin pawn lam a\angin sum mamawhte ngaihtuah \hin ni mahse a enkawlna tur erawh State in a intum tur a nih avangin \hahnem kan ngaih tlan a \ul thu a sawi a. Chhiah lakkhawm a\anga heng kawng enkawl leh siam\hat hna te hi thawh a nih avangin fimkhur leh \hahnemngai taka hmalak zel ni se a ti bawk.

Mizoram Road Fund Rules 2017 tlawh-chhanin Mizoram State Road Fund Board hi din a ni a. Sum hnar hrang hrang a\anga sum tling-khawmte a\angin Board kaltlang hian Road Division hrang hrangah maintenance hna thawh \hin a ni. Kumin 2019-2020 chhung atan hian cheng vbc. 50 dah niin, hemi a\ang hian nimin a Meeting chuan cheng nuai 1138.28 chu Normal maintenance work - kawngkhuar chhilh, leimin thenfai, kawng ko samfai, kawng bal leh culvert siam\hat etc. atan te a hman tura dahin, cheng nuai 3722.44 chu kawng enkawl hna hautak zawk - Resurfacing, Strengthening etc. atan dah a remti a. Pradhan Mantri Gram Sadak Yojana (PM-GSY) kawng enkawl zui zelna atan cheng nuai 139.28 dah a ni bawk.

Mizoram Road Fund Board (MRFB) hi kum 2017 khan din niin, PWD Minister Chairman na hnuaiah din a ni a. Hemi hnuaiah hian PWD Secretary kaihhruaina hnuaiah Executive Committee a awm bawk a ni.