YMA in Serchhip-a sumdawngte kokhawmin ram leh hnam humhalhna turte an sawipui

Serchhip Sub-Hqrs. YMA chuan nimin tlai khan Serchhip a sumdawng lian te kokhawmin ram leh Hnam humhalhna kawnga sumdawng te pawimawhna an sawipui bakah thawhho dan tur an sawiho.

He inkawmhona Serchhip Sub-Hqrs. YMA Conference Hall-a neih hi Serchhip Sub-Hqrs. YMA Kumpuan Committee Chairman leh Sub-Hqrs. YMA Vice President, Lalzuiliana chuan kaihruaiin Kumpuan Committee Secretary, C. Lalrammuana chuan he Meeting an koh chhan te sawiin, he hunah hian Serchhip khawpui chhunga sumdawng lian zual mi 17 te chu koh an nih thu a sawi a, Mizoram-ah ngei Mizo ten sumdawnna an kalpui chu YMA duhdan a nih thu leh chumi atan chuan sumdawngte pawhin tihtur pawimawh tak tak an neih thu sawiin, YMA in hemi kawnga hma an lak tawhna te a sawi bawk.

He hunah hian Serchhip Sub-Hqrs. YMA President, R. Sanghmingthanga pawhin 'Ram leh Hnam humhalh' chu Mizote tana thil pawimawh tak a nih avangin YMA chuan kum 17 zet Kumpuan-ah a lo neih tawh thu a sawi a. Hnamdang ten Mizoram-ah sumdawn theihna an neih loh thu sawiin, hei vang hian YMA te pawhin nasa taka hma lain Serchhip-ah pawh hnamdang sumdawng an awm meuhloh thu leh lo sumdawng lui an awm chuan YMA ten a \ul anga hma an lak nghal zel thu leh sumdawng tam tak tihtawp an nih tawh thu a sawi a. Hnamdang mipa ten Mizo hmeichhia nupui ah an neih avanga Mizoram-a sumdawng theia in ngai an awm \hin thu pawh sawiin, hei hi thu diklo a nih thu a sawi a. Mizo ten ILP kan neih hmang diklo an tam thu pawh sawiin, hnamdang te hian a ILP sponsor tu hna bak an thawh theihloh thu leh chutianga hmang diklo te chu YMA chuan titawp tura hma a lak zel thu a sawi a. Kan ILP neih chu dik taka hman a \ul thu a sawi bawk.

He hunah hian sumdawngte chuan ram leh hnam humhalhna kawnga YMA hmalakna chu lawmawm an tih thu leh an thlawp thu sawiin, ILP chungchangah pawh fimkhur a \ul thu leh strict taka kalpui \ul an tih thu an sawi a. Chutihrual chuan dan hnuaiah chuan awlsam zawka an bungrua an lak theihna kawnga harsatna an tawh \hin te pawh sawiin, in hriatthiamna te pawh awm thei se an duh thu an sawi bawk. Hemi hnu hian sawihona hun hmangin hmalak dan tur hrang hrangte pawh huamzau takin an sawiho zui nghal bawk a ni.