Khawlailung khua ah Kurtai siamna bun tum niin Farmer Pension Scheme neih thuai tum a ni

Agriculture Minister, C. Lalrinsanga chuan nimin khan Serchhip District chhunga Khawlailung, Chekawn leh North Vanlaiphai khua te a tlawh a, khawtlang hruaitute nen inkawmna neiin Khawlailung-ah Kurtai siamna Jaggery Unit bun a nih tur thu sawiin,loneitute tan Pension Scheme \ha tak kan neih thuai dawn thu a sawi bawk.

Agriculture Minister, C. Lalrinsanga hian Khawlailung khua tlawh hmasa berin Khawlailung-a khawtlang hruaitute nen an inkawmna ah Kurtai tharchhuak tam, khaw taima Khawlailung-ah Kurtai siamna Jaggery Unit bun a nih tur thu hrilhin, Fu tharchhuah tihpun a \ul hle dawn a ni, a ti a. Kan ram-a Agriculture Link Road kan neih ang ang te Rigid pavement (cement-a zut khawng) a a tam thei ang ber neih sawrkarin a tum thu leh Farmer Pension Scheme \ha tak Mizoramin a neih thuai dawn thu a sawi bawk.
Khawlailunga hun a hman zawh hian Chekawn panin Chekawn khawtlang hruaitute nen inkawmna an nei leh a. Chekawn khawtlang hruaituten khawtlang mamawh an lo thlen bawk.
Hemi hnu hian Agriculture Minister hian North Vanlaiphai pan lehin North Vanlaiphai Forest Rest House-ah Dorothy Muansangi, MCS, SDO (Civil) kaihhruaiin vantlang inkhawm an lo buatsaih a, inkawmhona te neiin khawtlang hruaituten loneitute leh leilet neite, huan siamtute hmasawnna tur mamawh hrang hrang an lo thlen a. Minister in North Vanlaiphai a tlawh avangin lawmthu an hrilh a ni.
He hunah hian Agriculture Minister chuan, North Vanlaiphai chu leilet nei \ha khua an nih avangin tlawh a duhna a rei tawh thu sawiin, Sub-Divisional Agriculture Officer an dilna chu Cabinet lama chhawpchhuah tur a la nih thu a hrilh a. He sawrkarin a tum lian ber chu ei leh bara intodelh a ni a, ka choka-a mikhual cham rei, hnamdang tharchhuah thlai chi hrang hrang nitina kan eiral \hin te hi hnawhchhuah a, keimahni ngeiin tharchhuah kan tum a ni, a ti.
North Vanlaiphai chu tunhma a\anga Alu \ha taka lo tharchhuak tawh \hin an nih avangin tunah hian True Potato Seeds chu an chin pun tur an pe leh dawn tih sawiin, chutiang bawkin thlai dangte pawh a chi \ha an ngaihtuah zel dawn tih a sawi a. Agriculture lama hmalakna tur ruahmanna sawiin, Loneitute chu he ramin hma a sawn theih nan mi pawimawh an nih thu leh an hmasawnna tur, an tharchhuah a pun theihna turin nasa takin hma an la zel dawn tih a sawi.
Agriculture Minister, C. Lalrinsanga chuan, loneitu kum 14 a\anga 40 inkar te tan Mizoram sawrkar chuan Pension Scheme thar a ruahman sak thusawiin, loneitu chuan thlatin sum chhunluh (premium) tlem te te a pe ang a, kum 60 a tlin hnuah thlatin pension a dawng ve thei tawh dawn a, a \angkai hle dawn a ni, a ti a. Hei bakah hian Crop Insurance Scheme pawh kalpui tura ruahmanna siam mek a nih thu a hrilh bawk.
Agriculture Minister hian nimin vek khan North Vanlaiphai-a Agriculture Department hmunhma leh Krishi Vigyan Kendra (KVK) hmunhma te leh sawrkar hmun pawimawh dang te a tlawh kual zui a. KVK-ah hian Dr. T. Vanlalngurzauva, Sr. Scientist & Head chuan an mamawh hrang hrang te a lo thlen a, Kenny Zohmingliana, Agronomy Scientist chuan KVK hnathawh dan tlangpui Powerpoint presentation hmangin a sawifiah bawk. Minister hian, sawrkarin KVK pawimawhna leh an hnathawh \angkai zia a hriat avangin District thar pathum-ah pawh KVK dah nghal a nih theih nan sawrkar laipuiah dilna an thlen tawh thu a sawi a. North Vanlaiphai KVK in Pa chi siamna an lo dil chu an neih ngei a \ul hle nia a ngaih thu sawiin, Loneitute chu KVK mithiam te hmang \angkaia pan fo turin a ngen a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia