Latest News

SHG te tan a thlawna inentirna hun buatsaih a ni

Serchhip-a Urban Development and Poverty Alleviation Department hnuaia DAY-NULM leh Serchhip District Hospital-a Mobile Medical Unit (MMU) te chuan nimin khan Self-Help Group (SHG) Member leh an chhungte tan a thlawna inentirna hun an buatsaih.
Serchhip Indoor Stadium-a he inentirna hun hi Swasth SHG Pariwar hnuaia neih niin he Free Health Check-Up Programme in a tum ber chu Self-Help Group Member te leh an chhungte an lo hrisel theih nan leh an hriselna dinhmun an hriatna tur a ni a. He hunah hian Serchhip District Hospital-a Mobile Medical Unit (MMU)-a thawk te chu Dr. Lalnunngila, Medical Officer hova thawk-chhuakin Staff Nurse, Pharmacist leh Lab. Tech te an kal a, damlo inentir tura hming ziak 76 awmin heng te hi Doctor ten an hriselna dinhmun en-a Exam ngai te an enfiah hnuah an mamawh ang damdawi te pawh a thlawnin an pe bawk.
Nimin-a inentirna hun hi Self-Help Group 35 te tana ruahman niin Vawiin hian a hmun ngai ah SHG dang 34 te tan neih chhunzawm leh a ni anga, karleh lamah chhunzawm leh a ni bawk ang.

Comments

Popular News (Last 30 Days)