NGO in fimkhur turin ngen

Mizoram-a tlawmngai pawl hrang hrangte telna, NGO Coordination Committee nimin a \hukhawm chuan Oct. 1, 2019 a\anga Tripura Camp-a Tuikuk awmte laklet hna \um 9-na \an turah Mizoram a\anga chhuakte leh an thlah kal zelte chauh laklet an nih theih nan fimkhur taka hma la turin Sawrkar an beisei tih an sawi a. Rua-hmanna awmsa anga Tuikuk laklet hna hi tluang taka a kal theih nan hma la turin thuneitute chu an ngen bawk.
Hei bakah hian tun \uma laklet hna thawh bak hi chu, Mizoram Sawrkar pawhin kalpui tawh lo tura Chief Secretary hming sign hnan meuh a, ziaka a lo intiam tawh angin hun hawn leh a remchang tawh dawnlo tih sawiin, Mizoram mipuite pawhin an pawm thei tawh dawnlo tih an sawi a, hun \ha a inhawn laia \hahnemngai taka lo let turin Camp-a awm te chu an ngen tih an sawi bawk.
Hei bakah hian Myanmar ram a\anga Dan lova Mizoram-a lo lut Rakhine hnam nia rin hriat theih chinah 489 lai khaw 4- Dumzautlang, Zochachhuah, Kakichhuah leh Hmawngbu-chhuah a\anga Mizoram Electoral Roll-a thun a ni chu hriatthiam har an tih thu pawh sawiin, he thil hi ngun taka zirchianga Mizoram Electoral Roll a\anga paih an nih ngei theih nana hma la turin thuneitute chu an ngen bawk.

Comments

Popular posts from this blog

PAN CARD an tih teh fo hi - Laldinpuia