Mamit-ah ILP neilo-a lut tur dan ven tur sawiho

Nimin khan Mamit-ah Inner Line Permit (ILP) nei lova Mizoram a hnamdang rawn lutte zawn chhuah kawngah uluk lehzuala hmalak dan tur chungchang sawiho a ni.
Tunhnaia Mizoram \henawm State Assam-ah National Register of Citizens (NRC) Final list tihchhuah a nih hnuah mi tam tak chu he list-a tello an nih avangin Foreigner anga ngaih an ni a. Hei vang hian himna zawnga \henawm State dangah an luh ngei rin a nih avangin fimkhur lehzual nan he Meeting hi koh a nih thu District Bawrhsap, Dr. Lalrozama chuan a sawi a. Khawtlang huapa kan \anrual a \ul thu leh mipui hnenah a tam thei ang ber inhrilhhriatna neih a \ul thu pawh a sawi bawk a. He hunah hian Mamit SP, Shashank Jaiswal pawhin ILP nei lo, Mizoram chhunga lo lut tur venna kawngah nasa zawka hma an lak mek thu sawiin, Kanhmun Check Gate bikah phei chuan CCTV dah thar a nih thu a sawi bawk.
Assam in a tihchhuah tak NRC List-ah hian mihring nuai 19 chuang hret an tel ve loh avang hian a tel ve lo te hian Court hrang hrang an thu thlennaah an chak zawh loh chuan nakin lawkah man a, Detention Camp-a dah a, an rama thawnkir leh tur an nih avangin Mizoram chhungah pawh dan lova rawn lut hi tam tak awm thei tura ngaih a ni a. Chumi atana lo inralrin nan hmalak dan tur hrang hrang duan niin VC leh NGO \angdunin Mamit District chhunga khaw hrang hranga hnamdang awm zawng zawngte hming list chhuah vek an rel bakah khawtlang hruaitute hriatpuina tel lovin mahni In leh lo hnamdang tumah luahtir loh an rel a. Police leh Khawtlang hruaitute \angkawpin mahni vengchhung \heuh uluk taka vil a, hnamdang mikhual-te lo thlithlai \hin nise an ti bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia