Maubuang-a Mizoram Orchid Centre sak mek RD Minister in tlawhin hnathawh a enfiah

Rural Development Minister, Lalruatkima chuan nimin khan Maubuang khua a Nauban hmunpui tur, Mizoram Orchid Centre sak mek chu a hmunah a tlawh a. Nauban hmunpui siam mek chu Maubuang khua mai bakah Mizoram tan pawha pawimawh a nih thu a sawi bawk.

Maubuang-a Mizoram Orchid Centre sak mek a tlawhna hunah hian RD Minister, Lalruatkima chuan Nauban chu khawvel in a ngaihlu em em tih sawiin, Mizoram-ah Nauban chi hrang hrang 253 chhinchhiah a nih tawh thu a sawi a. Maubuang khua chu Tropic of Cancer in a tan tlang khua a nih avangin leh a sik leh sa in a zir bawk avangin Nauban \hat duhna hmun a ni tih sawiin, Maubuang ram leh a chhehvel chu Nauban chi chi hrang hrang neih \hat lamah India rama dinhmun palina hauhtu an ni tih a sawi. RD Minister chuan Nauban humhalh kawnga mipuite \hanharh a \ul thu sawiin, a bik takin kan State Flower 'Senhri' phei chi chimit mai thei dinhmun ah a din thu a sawi a, Nauban hmunpui chu a nih ang taka hawn a nih hunah chuan mithiam thil zirbing mi (researcher) ten an chhawr \angkai bakah khawtlang mipuite leh helama tui mite tan pawh eizawnna tha tak a la nih theih dawn thu a sawi bawk.

Maubuang-a Mizoram Orchid Centre sak mek hi Maubuang khaw dai chhim lamah awmin a hmun hi Maubuang khawtlangin an pek a ni a, Shyama Prasad Mukherji Rurban Mission (NRuM) Scheme hnuaia sak niin project cost hi cheng vbc. 3.9 a ni a. Mizoram Technocrats Company (p) Ltd. ten February 2018 a\ang khan a sak hna an \an a ni. He Centre chhungah hian Guest House, Staff Quarters, Conference Hall, Research Station, Laboratory, Tissue Culture Chamber, Green House engemawzat leh Car Parking te siam a ni a, he Centre hi hman theih a hawn a nih hunah Public-Private Partnership (PPP) Mode a kalpui tur a ni ang.

Maubuang a tlawh hnu hian RD Minister, Lalruatkima chuan Aibawk-a Mini Sports Complex sak mek tlawhin hnathawh kal lai mek te a thlir a. Aibawk Mini Sports Complex hi Rural Development Department hnuaiah NLCPR kaltlangin cheng nuai 400 senga siam tur niin NECS in a sak hna hi kum 2018 a\angin an thawk a, kum 2 chhunga zawhfel tura ruahman a ni.