Magistrate in thupek chhuah

Kei\um leh Khawilailung inkar-a Tuichang Lei chu a chhiat deuh tawh avangin lirthei tlan theih dan bithliah thar a ni.

Hemi chungchangah hian Serchhip District Magistrate, Sangchhin Chinzah chuan thupek tichhuakin Sr. Executive Engineer, PWD Serchhip Division hnen a\anga report an dawn angin Tuichang Lei (Bridge) chu a hlui tawh deuh avangin dim leh a phurh theih chin bituk a ngai nia a hriat thu leh mipuiin harsatna an tawh loh nan leh an him nan thupek chhuah a ngai nia a hriat thu tarlangin, Section 144 Cr. PC. 1973 in thuneihna a pek angin September 5, 2019 khan thupek tichhuakin Tuichang Lei (bridge) chhak lam leh thlang lam metres 100 huamchhungah lung halna hmanga lung lak khap tlat a nih thu leh Tuichang Lei (Bridge) hi a hlui leh a chhiat deuh tawh avangin Motor rihna leh a thil phurh belhkhawma 10 Ton (Ton sawm) aia rit in a zawh tur a ni lo tih tarlangin, Lei (bridge)-ah hian eng Motor pawh darkar khat-a KM 10 aia chaka tlan phal a ni lo tih a tarlang a. He thupek hi thu leh a awm hma chuan chhuah a nih a\anga thla hnih (2) chhung huam tur a nih thu leh thupek zawmlo chu Section 188 IPC hmanga hrem theih an nih tur thu te a tarlang bawk.