CSC ten training an nei

Serchhip District chhunga Common Service Centre (CSC) te chuan Elector Verification Programme (EVP) hnuaia NSVP leh EVP chungchanga hna an thawh tur hrang hrang zirhona nimin khan an nei.
Serchhip DC Office Video Conferene Hall-a he zirhona hun hi Election Officer, Vanlalhmachhuana chuan hmanpuiin Electoral Roll enfiah hna thawh leh turah mipui ten Electoral Roll-a an hming leh an nihna an ziah dan a dik leh dikloh an lo enfiah lawkna atan Electors Verification Programme (EVP) chu kalpui mek a nih thu sawiin, hei hi Online hmanga tih theih leh dilna pawh thehluh theih a nih thu a sawi a. Hetah hian District chhunga CSC te kaltlang hian mipuite hian an dinhmun an enfiah bakah dilna te thehlutin, hemi an buaipui man hi ruahman lawk mipuite hnen a\ang hian an lak sak thei dawn tih a sawi a. Hemi kawngah hian CSC te chuan mawhphurhna sang tak an neih thu sawiin, an hna te chu taima tak leh felfai taka thawh tum turin a chah bawk.
He zirhona hunah hian Laltlanmawia, Data Entry Operator hnen a\angin Electoral Roll-a hming thun thar, paih, siam\hat leh insawn duh te tana Form siamsa chi hrang hrang hman dan ngaihthlak niin National Voters’ Service Portal (NSVP) leh Electoral Roll Verification Portal (EVP) hman dan leh nihphung te zirho a ni a, zawhna leh chhanna hun pawh hman nghal a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia