Serchhip-ah Sangha chi semchhuak

Serchhip-a Fisheries Department chuan Inrinni khan Serchhip-a Sangha khawitute tan Sangha chi, Sangha note an semchhuak.
Serchhip-a Fisheries Department hian tukin a\ang khan Serchhip District-a Sangha khawitute hnenah Sangha chi hi semchhuakin Serchhip-ah chuan Serchhip Bazar-a CMO Office kawt a\angin Sangha chi hi an semchhuak a, Serchhip Bazar-ah hian Sangha chi 61,600 semchhuah niin Sangha khawitu chhungkaw 47 ten an dawng a, Chhiahtlang-ah pawh Sangha chi 23,400 semchhuah niin chhungkaw 23 ten an dawng bawk a, hei bakah hian Hrangturzo bial-ah pawh sem leh a ni bawk.
Heng Sangha chi te hi pakhat Rs. 2/- man niin Sangha khawitute hi 50% subsidy pek a ni a, hemi ang hian Sangha khawitute hian pakhat Re. 1/- zel hisapin an khul thung a, an mamawh nia an ngaih zat zel leiin an dawn zat hi a inanglo a. Tun \um hi Serchhip District-ah Sangha chi \um 4 an semchhuahna niin Serchhip bikah chuan \um 2 an semchhuahna a ni bawk.
Serchhip DFDO, Zonuntluangi chuan tunhnaiah Serchhip-ah Sangha khawitu nasa takin an pung tih sawiin, an Department hmalakna hnuaia \anpuina dawnga Sangha khawi thar bakah mimal tam takin mahni sum leh pai senga Sangha Dil laiin Sangha khawi kawngah nasa takin hma kan sawn tih a sawi a, hei hi lawmawm an tih thu sawiin, Sangha khawitute tan hian Sangha chaw chu a man pangngai a\anga zaa 50-a tlawmin an hralhchhuah mek reng tih a sawi bawk.

Comments

Popular posts from this blog

PAN CARD an tih teh fo hi - Laldinpuia