Kan thlai tharte chemical hmang lova, organic hmanga thar hi kan hmachhawp a ni - Agri. Minister

Agriculture Minister, C. Lalrinsanga chuan, “Kan thlai tharte chemical hmang lova, Organic hmanga thar hi kan hmachhawp lian tak a ni,” tiin Crop insurance pawh an sawrkar tirh phatah an kalpui nghal thu leh sawrkar thiltum lian tak a nih thu a sawi.

Nimin a Aizawl Mizo Hnam Run-a MNF Chhung Inkhawm-ah Agriculture Minister, C. Lalrinsanga chuan thu sawiin an sawrkar tirh phat ah Thlai leh Vaimim eichhetu rannung a lo puang tih sawiin, thawktu ten theihtawp an chhuah avangin a ziaawm thei tih a sawi a. Chemical hmanga rannung thah vak ai chuan Biological Control Unit hmanga thlai sehchhetu rannung chu rannung veka eilet chu mihring tan a him zawk avangin phai a\anga an chah thu a sawi a. An sawrkar hmasa ah Organic Bill pulutin, Organic Act an siam thu pawh sawiin, “Sawrkar kalta khan a umzui ta lo hlauh a, keini chuan theihtawp chhuah zel kan tum. Kan thlai tharte hi Organic a nih loh chuan man a man zo tak tak lo. Organic-in hlutna a neih chhan chu, Organic lei\ha hmanga thlai thar chu a hriselin a man pawh a to zawk,” a ti.

Agriculture Minister chuan Bio-Fertilizer Unit lamah pawh \ankan lak thu sawiin, “Biological Control Laboratory din turin Lengpui-ah kan inruahman tawh. Kan leilunga mi ngei Bacteria chikhat hmanga lei tih\hatna siam pawh kan rilruk mek a, farmer-te mamawh technology thiamna hrang hrang puakchhuah kan tum a ni,” a ti a. Organic khawvela kan chen a ngai tawh tih pawh sawiin, Central Scientific Industrial Research (CSIR) te, MZU leh department \angkawpin hmalak an tum thu thu leh kan thlai tharte chemical hmang lova, Organic hmanga thar chu an hmachhawp lian tak a nih thu a sawi a. “Organic hmanga kan kal dawn chuan kan hman mek rannung thahna chemical-te hi mihring hriselna atana thil \halo tak a nih avangin, Biological Control hmangin thlai eichhetu rannung pawh rannung veka eihlumtir te, buh, be leh thildang pawh a eichhetu veka tihhluma hmalak kan tum mek a ni,” a ti bawk.

Hei bakah hian Agrilculture Minister chuan Crop Insurance pawh an sawrkar tirh phatah an kalpui nghal thu leh aan sawrkar thiltum lian tak a nih thu a sawi a. “Pradhan Mantri Fasal Bima Yojana Crop Insurance (PMFBY) scheme hmangin Fur laia kan thlai a chhiat palh pawhin a rulhsak theitu tur Empanelled Insurance Company/Firm-te nen pawh hma kan la zel ang. Farmer-te harsatna an tawhah insurance lam tihfel zel kan tum a ni,” a ti.

Farmer-te inhriatpawh zung zung theihna leh harsatna inhrilh zung zung theihna turin 'Farmer Census Record' leh Internet Portal hmangin Mobile phone-a Video Conference neih \hin dan turte pawh an ruahman tawh tih a sawi a. Kuthnathawktuten sawrkar hnathawk ang thoa pension an neih ve theihna turin, Pradhan Mantri Kisan Maadhan Yojona (PMKMY)-te leh Life Insuarance Corporation hnuaiah Farmer-te pension dan tur pawh ruahmanna felfai tak an siam tawh thu leh kuthnathawktute leh thingtlang mite tan chhenfakawm takin an kalpui tur thu sawiin, hei hian Farming Society leh Trade hrang hrang kalpuitute a huam bawk ang tih a sawi a. “Kan sawrkarin a tum ber chu ei leh bara intodelh, chaw-a intodelh a ni a. Kan Agriculture Slogan pawh Vawiin-a kan thuk leh choka-a min chenchilh rengtu kan tharchhuah ni lo ho hnawhbo hi a ni a, hei hian tèl/hriak leh dailuah ang chite a huam vek a ni,” a ti bawk.

Agriculture Minister chuan MNF chu behchhan nei-a ke pen leh Nationalism kalpuitu an nih thu sawiin, “Pathian in hnam min siam a, kan te emaw lian emaw, mahni hnam-a dingnghet turin Pathian in min duh a, mahni hnam tihdan phung zawm tlattute an ral ngai lo,” a ti bawk.