BBBP Scheme hnuaia Award dawn lawmna nei

Govt. Hmar Veng Primary School, Serchhip chuan Beti Bachao, Beti Padhao (BBBP) Scheme hnuaia Serchhip District chhunga hma la \ha zirna In 10 thlanchhuah zinga an tel lawmna nimin khan neiin Serchhip DEO, Lawmawma chuan khuallian niin a hmanpui.

Govt. Hmar Veng P/S in BBBP Scheme hnuaia zirna In ti\ha 10 zinga thlanchhuah an nihna lawmna hun nimin-a an School-a an buatsaih hmanpuitu Serchhip DEO, Lawmawma chuan BBBP hian zirna lamah chauh hma la lovin hmeichhe naupangte chawikanna kawngah chi hrang hranga hma a lak thu sawiin, naupiang hmeichhia an awmin thilpek te pawh pek \hin a nih thu a sawi a. He Scheme hnuaia Hmar Veng P/S te pawhin Best Performing School Award a dawng thei chu a lawmpui thu sawiin, he Award dawng thei tur hian a thawktute pawh an \ang nia a hriat thu leh an hmalakna thlirin dawng awm reng nia a hriat thu a sawi bawk.

Nimin-a he Award dawn an lawmna hun hi School Management Committee-a Educationist, Lalmalsawma chuan kaihruaiin SMC Chairman, Lalremmawia chuan Pathian hnena inhlanna hunserh a hmang a, he School Headmistress, Lalramgaii Sailo leh Serchhip SDEO, Vanlalchhana te pawhin thu sawiin, zirlai naupang te hnen a\angin Special Item an entir bawk a ni.

Govt. Hmar Veng P/S, Serchhip hi kum 1972-a din niin tunah hian zirtirtu mi 6 awmin zirlai naupang 31 an awm mek a, BBBP hnuaia Best Performing School Award an dawn hian Certificate leh pawisafai Rs. 15,000/- a kengtel a ni.