Mosolman Biak In sak sawiho

MZP General Hqrs. chuan nimin khan Executive Meeting neiin Bairabi Zophai hmuna Mosolman Biak-In sak mek chungchang an sawiho.

Nimin-a Aizawl-a MZP Office-a MZP Executive Meeting hi an President, L. Ramdin-liana Renthlei chuan kaihruaiin Mizoram-Assam ramri Bairabi Zophai hmuna MZP ten Zofate Chawlhbuk an sak theih loh laiin Assam lam in helai hmuna School leh Biak In an sa thei mai chu hriatthiam har an tih thu sawiin, helai hmuna an Biak In sak mek pawh hi tihtawp tir vat turin Mizoram Sawrkar an phut thu leh Mizoram-Assam ramri ngaih-tuahtu tura Committee sang, Core Committee pawhin hemi chungchang hi chak zawkin bawhzui se an duh thu an sawi a. Mosolman Biak In sak mek hi tihtawp a nih loh chuan Zofate Chawlhbuk sa turin MZP chu a inbuatsaih leh dawn tih pawh sawiin, tun thla ni 6-a Core Committee Meeting lo awm tur avang hian MZP chuan Mosolman Biak In sak lai mek ah hian hma a la la lo mai zawk tih an sawi bawk.