District Child Protection Committee hnuaia hmalak dan thlirletna hun Serchhip DC hovin neih a ni

Serchhip District Child Protection Committee chu nimin khan an Chairman, Sangchhin Chinzah, District Bawrhsap hovin a pisa-ah an \hukhawm a. An hmalak tawhna hrang hrangte thlirletin hmalakna tura chhawpchhuah thar an neih te an sawiho bawk.

Serchhip District Child Protection Committee \hutkhawm ah hian District Bawrhsap, Sangchhin Chinzah chuan Serchhip District chu District vannei tak kan ni tih sawiin, sawrkar department hrang hrang enkawltu Officer \ha tak tak ten mahni hna taima takin an thawk tlang a, Child Protection Officer pawhin taima taka hna thawkin, naupangte himna atana hmalakna kawngah an thawk \ha tawk hle niin a sawi.
He hunah hian District Child Protection Officer, Lalsiampuii chuan an hmalakna hrang hrangte sawiin, Integrated Child Protection Scheme (ICPS) hnuaia District Child Protection Unit thil tum ber chu Juvenile Justice (Care and Protection of Children) Act tihhlawhtlin a nih thu leh naupang kum 18 la pum hlumlo te kawng chi hnih (2)- naupang enkawl leh venhim leh naupang dan kalha che te buaipui a nih ber thu a sawi a. Integrated Child Protection Scheme hnuaiah hian Committee pathum awmin Child Welfare Committee (CWC) chuan naupang enkawl leh venhim ngaite chungchang ngaihtuahin chawlhkar tin Thawhlehni leh Zirtawpni apiangin an \hukhawm \hin a. Kum 2012 a\anga kumin September thleng hian case 437 an ngaihtuah tawh a ni. Member pathum awmna Juvenile Justice Board (JJB) chuan naupang dan bawhchhiaa puhte chungchang ngaihtuah ve thungin kum 2012 a\anga kumin September thla chhung hian case 201 an ngaihtuah tawh a, Aizawl-a Special Home-ah naupang pathum an dah mek a. Hei bakah hian Committee peng pakhat Police te hnuaiah Special Juvenile Police Unit a la awm leh bawk a ni.
Serchhip District-ah hian naupang enkawl leh venhim ngaite leh naupang thil sual tia puhte awmna tur hmun Child Care Institution pathum (3) a awm a. Zoar Urban Deprived Children’s Home-ah mipa naupang 10 leh hmei-chhe naupang 8 an awm mek a. Unity Orphanage Home-ah mipa naupang 7 leh hmeichhe naupang 6 awm mekin Naupang thil sual tia puh te awmna tur Observation Home pakhat an neih ah August, 2016 a\anga kumin September thla thlengin naupang 63 an enkawl tawh a, an zavai hian an case tihfel sak tawh niin, tunah chuan naupang enkawl an nei rih lo a ni.
Hei bakah hian ICPS hnuaiah hian naupang harsa te chhawmdawlna atan Sponsorship an pek \hin chu kum 2012 a\anga kumin January thla thleng khan naupang 212 hnenah an pe tawh a, heng naupang te hi thla tin nau-pang pakhat ah Rs. 2000/- zel an pe \hin a. Kum 2019-2020 Financial chhung hian naupang 41 hnenah sponsorship hi an pe mek a ni.
Heng bakah hian Serchhip District chhunga Village Council tinah Village Level Child Protection Committee din vek tawh niin, DCPU hian kumtin khua zawng zawng an tlawh kim vek \hin a. Zirna In zawng zawngah naupangte himna atana hmalakna kawng hrang hrangin an nei a, Nodal Teacher for Protection of Child Rights ruat vek niin Naupangin midang hnena an sawi ngam loh an thlen ngamna tur, Happy and Sad box pawh School tinah an dah a ni bawk. 
Child Friendly Corner chu Serchhip Police Station-ah siam tawh niin, Thenzawl leh N. Vanlaiphai Police Station bakah District Court-ah dah belh tuma hmalak mek a ni a bawk a. District Hospital-ah naupang Medical Examination neih dawnin naupangte nihna midang in an hriat mai loh nan naupang lo awm lailawkna tur hmun lo buatsaih turin Hospital lam thuneitute beisei an ni bawk.
Nimin a he \hutkhawm ah hian Committee Member te an tel \ha hle a ni.

Comments

Popular posts from this blog

PAN CARD an tih teh fo hi - Laldinpuia