I&PR Minister hovin MZP in Zirtirtute Ni an hmang

Nimin khan MZP General Hqrs. chuan Ai-zawl-a Central YMA Hall-ah Zirtirtute Ni an hmang a, he hunah hian Zirtirtu \ha chawimawina State leh National Level-a dawngtu mi 7 te hnenah lawmpui thuziak an hlan bawk.
MZP in Zirtirtute ni an hmanna hun hi I&PR Minister, Lalruatkima chuan khuallian nia hmanpuiin, “Hmasawnna kawngah khawvel kan intlansiak mek a. He intlan-siaknaa tel tur hian thiamna kan neih a ngai a. Thiamna min petu chu kan zirtirtute an ni a. Chuvangin, Zirtirtu te zah leh chawimawi hi kan tihtur dik tak a ni a, ram leh Hnam dintu tia an sawi thin pawh hi thilawm tak a ni,” tiin zirtirtute hlutna hriat leh zahthiam chu mitin ten a bata kan bat a ni, a ti bawk.
He hunah hian MZP President, L. Ram-dinliana Renthlei pawhin thu sawiin Zirtirtute Ni ah hian MZP chuan thinlung takin zirtirtu zawng zawngte duhsakna a hlan thar leh tih sawiin, an hmalam hun lo kal zel turah Mizoram leh zirlaite tana \hahnem ngai taka an thawh zel leh malsawmna an dawn zel an duhpui takzet tih a sawi a. Zirtirtute chu ram leh hnam siam\hatna fawng pawimawh tak vuantute an ni tih pawh sawiin, “Vawiin-a kan hmasawnna hrang hrangte hi kan zirtirtute vang a kan neih a ni a. Zirlaibu chuan hriatna min pe ngei mai a, thiamna tak tak erawh chu keimahni kutah a awm a ni tih Vawiin-a zirlaiten kan hriat thar a pawimawh khawp mai,” tiin zirlaite a fuih nghal bawk.
Nimin a he hun hmanna ah hian Zirtirtu tha, State Teachers' Award dawng mi 5 leh National Teachers' Award  dawngtu mi 2 hnenah chawimawina hlan niin National Teachers' Award  dawngtute hi GS. Zaithantluanga, Headmaster, Govt. Diakkawn High School, Kolasib leh Jayanta Nath Maji, Headmaster, Keifang High School te an ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia