Serchhip-a zirna In-ah Green Board leh Water Filter sem

Serchhip bialtu MLA, Lalduhoma chuan nimin khan Serchhip rawn tlawhin MZP in an thlan zirna In \henkhat te hnenah Green Board leh Electric Water Filter a hlan.

Serchhip bialtu MLA, Lalduhoma hian a bial chhunga zirna In \hen-khat ten an mamawh avangin Mizoram sawrkar-ah heng Green Board leh Electric Water Filter te hi dilin sawrkar in pek a remtih hnuah Mizo Zirlai Pawl (MZP) chuan heng Green Board leh Water Filter dawng turte hi an thlang leh a, heng mite hnenah hian nimin khan bialtu MLA hian an School-a kalchilhin a hlan a ni.

MZP Hqrs. Serchhip in Green Board dawng tura an thlan nimin-a an hlan tak te hi Agri. P/S Serchhip, Hmar Veng P/S Serchhip, Model M/S Serchhip, Govt. M/S Serchhip, LM M/S Serchhip leh Govt. New Serchhip M/S te niin Electric Water Filter dawngtute hi Brilliant Higher Secondary School Serchhip, LM M/S leh Hmar Veng P/S te an ni a, heng zirna In hrang hrangte hian bialtu MLA kaltlanga hetiang thil an dawng chu lawmawm an tih thu sawiin, an mamawh tak a nih thu an sawi a, heng School hrang hrang a tlawhna ah hian bialtu MLA hi Zirtirtute leh zirlai naupang ten lo dawngsawngin an mamawh hrang hrangte pawh an lo thlen nghal a ni.

Hemi hmalam hian Serchhip bialtu MLA, Lalduhoma hian hetiang bawk hian Thenzawl khuaa zirna In 4-ah Green Board hi hlanin zirna In 2 hnenah Water Filter hi a lo hlan tawh a ni.