Faina kawngah hma la zel

Khawpui fai inelna neih tura inpuahchahna kal mek denchhenin kar kalta chhung khan Ser-chhip a sawrkar Department, Village Council leh YMA te chuan hnatlang an nei.
Sawrkar in Khawpui fai inelna a buatsaih ah hian tunkar a\ang khian Serchhip khawpui hi rawn enfiah thei dinhmun ah a din tawh dawn avangin Serchhip khawtlang chu nasa takin a inbuatsaih mek zel a, Inrinni khan Village Council leh YMA Branch hrang hrangte chuan hnatlang hi neiin hriat theih chinah Serchhip-IV VC huamchhung ah Ser-chhip Kawnpui South Branch, Serchhip-V VC huamchhungah Hmar Veng Branch, Serchhip-VII huamchhungah Chanmari leh Serchhip Kawn-pui North Branch, Serchhip-VIII VC huam-chhungah P&E Veng Branch, New Serchhip South VC huamchhungah Chhekhnai Branch leh New Serchhip North VC huamchhungah New Serchhip Venglai Branch leh New Serchhip North Branch area-ah te hnatlang hi neih a ni a, heng khawpui thenfai hna thawka hnatlang te hi UD&PA Department chuan a \ul angin Motor an ngaihtuah sak nghal bawk a ni.
Hemi hmalam Zirtawpni khan Serchhip Kawnpui North Branch YMA chuan hnatlang hi neiin PHE Department leh SSA Mission Serchhip District te pawhin an Office leh vel thenfai hna an lo thawk tawh a, Ningani khan Serchhip Vengchung Branch YMA chuan an Branch huamchhung leh Medical Department Compound \henkhat te tifaiin hnatlang an lo nei tawh bawk a, Excise & Narcotic Department, PWD leh Govt. Higher Secondary School te pawhin an ramchhung thenfai hna an thawk bawk a ni.
Khawpui fai inelna, Swatch Survekshan 2019 hi September 1, 2019 a\angin endik hna kalpui \an a nih dawn avangin, District Urban Development Officer chuan YMA Sub-Hqrs. chu thawhpui-ah sawmin hnatlang nei tur hian an lo ngen tawh a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia