MPCC in Deputy Chief Minister hna-ah hming\hat tum an awm niin sawi

Mizoram Pradesh Congress Committee (MPCC) chuan Deputy Chief Minister hna chanpualah hming\hatna tel tuma che an awm niin an sawi.
Inrinni khan MPCC Media Department thupuangtu, C. Lalhriatpuia leh a thawhpuite chuan Aizawl Press Club-ah thuthar thehdarhtute kawmin, Deputy Chief Minister, Tawnluia chu damlohna avanga hna a thawh mumal loh chhungin Sports Minister, Robert Romawia chuan Chief Minister hnenah lehkha ziakin Deputy Chief Minister hna chanpual UD&PA Department hnuaia sum hman bang awm a\angin Project pahnih thawh nise tia rawtna a siam, Khawzawl Football Ground leh Zemabawk Football Ground sakna tur chu Chief Minister thupek angin UD &PA Department chuan March ni 29 khan heng project pahnih te chu sak phalna pein cheng nuai 700 ve ve, a vaiin Vbc. 14 dah a ni tih an sawi a. Heng project pahnih kal dan hian Mizoram sawrkar kalphung fel tawk loh zia leh Minister-te thuneihna inthlauh zia a tarlang chiang hle ni a an ngaih thu an sawi.
Hei bakah hian High School Field, Zarkawt-a UD&PA pawisa hmanga Football Field chhawng siam tur chungchangah pawh a changtu Minister, Tawnluia hming an tarlang duhlo nia sawiin, kumin July ni 27-a MPCC-in Deputy Chief Minister damloh hlana a hming\hatna tur chhuhsak tuma hmala an awm nia alo puanzar tawh chu a dik zia a tarlang chiang hle tih an sawi bawk a. Robert Romawia Royte hian Chief Minister-in ‘a khawnpui’ atana Finance Department-a Untied Fund a dahkhawm a\angin Budget Session neih lai ngeiin cheng vbc. 11 (Sports-ah vbc. 10 & Tourism-ah vbc. 1) a lo dawng tawh bawk tih sawiin, hei hian Chief Minister duhsak bik a nih zia a tarlan chian tawh hle laiin, Deputy Chief Minister chan, UD&PA Department sum vbc. 14 zet hman dan tur a rel fel pui dan lo lang leh hian Chief Minister fachuam a nih zia a tarlang chiang hle a ni, an ti bawk.

Comments

Popular posts from this blog

PAN CARD an tih teh fo hi - Laldinpuia