Chief Minister in hmanpui

/
Indian Society on Tobacco & Health: Mizo-ram Chapter (ISTHM) leh National Tobacco Control Programme (NTCP) \angkawpin an buatsaih, Mizoram State Anti-Tobacco Day vawi 6-na chu nimin khan Chief Minister, Zo-ramthanga chuan Aizawl Chanmari YMA Hall ah a hmanpui.
He hunah hian Chief Minister chuan vaihlo in hriselna atan pawi a khawih nasat zia te inhrilhriatna a tam chhoin, a ti an tlem phah ve hret hret chu lawmawm a tih thu a sawi a. Zial zuk lamah hma sawn viau mah ila a vaihlo a\anga siam tho Sahdah, Tuibur, Gutkha leh a dangte laka filhlim lo kan la tam chungchangah hma lak tharna tur awma a hriat thu a sawi bawk.
He hun hi Chief Secretary, Lalnunmawia Chuaungo chuan kaihruaiin ISTHM President, Lal Riliani pawhin thu a sawi a. NTCP State Nodal Officer Dr. Zorammawia chuan 'Vaihlo leh a Chuap hriselna' tih thupui hmangin zirtirna a pe bawk. He hunah hian Global Adult Tobacco Survey-2 (GATS-2) 2017 in a tarlan danin Mizo mipui ah mipa 54% leh hmeichhe 14% in meizial an zuk thu leh vaihlo zuk bakah sahdah, tuibur, etc ti mipa zingah 21% leh hmeichhia zinga 46% an awm thu tarlan a ni bawk.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »