KVK in thing\iak an phun

Krishi Vigyan Kendras (KVK) North Vanlaiphai chuan nimin khan Large Tree Plantation Campaign & Farmers’ Seminar Programme hmangin thing\iak an phun.

KVK Hall, North Vanlaiphai-a he hun hman hi KVK North Vanlai-phai-a Senior Scientist leh Head ni bawk, Dr. T. Vanlalngurzauva chuan kaihruaiin North Vanlaiphai Forest Division-a Assistant Conservator of Forest, Lalnunngila chuan khuallian niin a hmanpui a. Mihring te kan dam khawchhuah nan thing leh mau humhalh chu thil pawimawh hmasa anih thu sawiin, tui hnar kangchat mek ti ziaawm leh tur chuan ramngaw humhalh hmasak bawk a ngaih thu a sawi a. Kan dam khawchhuah nan mai bakah nakin lawkah chuan Carbon Trading hi sumdawnna hlawk tak a la nih ngei a bei-seiawm tih a sawi bawk.

He Programme hman zawhah thing\iak phunna neih zui a ni a, Zirtluanga Hnamte, Forester, Department of Environment, Forest & Climate Change, N. Vanlaiphai Forest Division chuan thing phun dan dik a taka zirtirna pein India ram state dang leh khawvel hmundanga an ramngaw enkawl dan te sawihona hun hman a ni bawk.