Thla thum velah zawh beisei

Serchhip Sports Complex-a intlansiakna tur hmun, Synthetic Track siam hna thawh mek chu tun a\anga thla thum (3) velah zawh theih an in beisei tih helai hmuna hnathawktute chuan an sawi.

Serchhip Hmar Veng-a Sports Complex-a Synthetic Track siam hna thawh mek hi kan Palai chuan a hmunah tlawhin hnathawh dan kal mek a enfiah a, helai hmuna Synthetic Track siam hna thawktu, SYNCOTTS International-a Engineer te chuan he hna an thawh mekah hian a viltu Engineer an inthlak avanga hun engemaw chen an hna a khailak thu sawiin, tunah hian Engineer thar rawn awmin, an hnathawhna hmun-hma te enfiah a nih hnuah chak taka hna an chhun-zawm leh tawh thu an sawi a. Tunhnaia hna an chhunzawm ah khaw awmdan in zir lova ruahtui a tlak deuh reng avanga an hnathawh a chak theihloh thu pawh sawiin, khaw awmdan in a zir chuan chawlh awm lova hna an thawh chhunzawm zel dawn thu an sawi.

Helai hmuna Synthetic Track siam hna thawh mekah hian a hnuai bera lung leh rora dah tur an dah fel hnuah tunah hian Black Top hna thawk mek a ni a, Black Top hna an zawh hnu hian Soakbed Rubber (rubber dum nawi) an phah leh tur thu sawiin, hemi an phah zawh hian Synthetic Track (Rubber sen) chu an phah chhunzawm leh tur thu an sawi bawk a, khaw awmdan in a zir a khua a \hat chhoh zel chuan tun a\anga thla 3 velah hna an zawhfel theih tur thu sawiin, tunah hian mi 15 in ngawrh taka hna an thawh mek thu an sawi bawk.