Quiz-ah Govt. Serchhip College chungnung ber

UPSC Challenge Inter-College Quiz Competition 2019 chu nizan hmasa khan zawhfel niin Govt. Serchhip College chuan Pachhunga University College hnehin an champion.
Mizo zingah kum tam tak UPSC Exam buatsaih Central Civil Service-a kan tlin theih takloh avanga zirlaite leh \halaite a chona siamna atana Mizo Students Union (MSU) in an buatsaih UPSC Challenge Inter-College Quiz Competition, 2019 hi nizan hmasa khan Final neih niin Final-ah hian Govt. Serchhip College leh Pachhung University College an inhmachhawn a, Govt. Serchhip College hian point 10-a hmu sang zawkin pakhatna an ni. Tarlan tawh angin tun \uma UPSC Challenge Inter College Quiz Competition-ah hian Govt. Serchhip College a\ang hian K. Lalremruata s/o K. Lalhmangaiha, 5th Sem BA leh H. Lalremruatpuii d/o Lalrinchhunga, 3rd Sem BSc, Serchhip Hmar Veng te an tel a, heng zirlai hlawhtling te hi nimin khan an zirlaipui leh College-a thawk te chuan ropui taka lo hmuakin lirthei hmangin Serchhip khawpui fanpui an ni a, an pual hian Govt. Serchhip College tual-ah inkhawm tawi neih a ni bawk.
Heng zirlai hlawhtling te lawmna puala thu a sawina ah Govt. Serchhip College Principal, PC. Lalremsiama chuan kum 2016 khan Govt. Serchhip College hian he Quiz inelna ah hian Semi Final an lo thlen tawh thu sawiin, amaherawh chu Final thleng zo lova an tlak thu a sawi a. Kumin ah erawh a thiam ber dinhmun an hauh ta chu lawmawm a tih thu sawiin, Serchhip khaw tan pawh hmasawnna a nih thu a sawi bawk. Nimin a heng zirlaite lawmna hun hi RL. Chhuan-awma chuan kaihruaiin District Bawrhsap, Sangchhin Chinzah pawhin a hmanpui a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia