Midang tana Mit pe 386 awm

Mizoram-ah thih hnu-a midang tana an Mit pe mi 386 an awm tawh.

Nimin-a Directorate of Health Services Conference Hall-a Eye Donation Fortnight vawi 34-na kharna inkhawmah he thu hi tarlan a ni a. Thla hlui ni ni 27 thleng khan thih hnua midang tana mit pe duh inziaklut tawh chu mi 6,894 an tling tawh a; Mit dawng tur, Mit thlak ngai inziaklut mi 33 an awm bawk. Kumin Eye Donation Fortnight hman chhung hian District hrang hrangah thih hnu-a mit pek tum inziaklut mi 580 an awm a ni.

Eye Donation Fortnight kharna inkhawm ah hian midang tana an Mit petu chhungte hnenah lawmpuina leh chawimawina hlan a ni a. He hun hmanpuitu H&FW Principal Director, Dr. F. Lallianhlira chuan mipuiin a mamawhtute tana mit pek pawimawh zia an hre thar chho zel chu lawmawm a tih thu sawiin, hemi kawngah hian nasa zawka \an la thar turin kalkhawmte a fuih a ni.

Eye Donation fortnight hi kum 1985 a\ang khan hman a ni a. Mizoram-a Eye Bank hmasa ber chu Aizawl Civil Hospital-ah July ni 21, 2008 khan hawn a ni a, a hmasa ber atan kum 2009 khan hlawhtling takin mit thlak a lo ni tawh a ni. Tuna District thar pathumte leh Lawngtlai District tih lohah chuan Eye Ward leh Eye OT bakah Eye Surgeon an awm vek tawh a ni.