Serchhip-a zirna In hrang hrangah Zirtirtute Ni uar leh ropui takin hman a ni

Nimin September 5, 2019 kha India President 2-na, Dr. Sarvepalli Radhakrishnan-a pianchampha niin he Ni hi rampumah Zirtirtute Ni atan hman a ni a, Serchhip-ah pawh zirna In hrang hrangah he Ni hi an remchan dan ang \heuha hman a ni.
Nimin a Teachers Day hi Serchhip DEO, Lawmawma chuan Govt. Higher Secondary School Serchhip in BNRGSK Hall, P&E Veng-a an hmanna ah khuallian niin a hmanpui a, he hunah hian Serchhip DEO chuan Zirtirtute chu duhsakna chibai bukin, Serchhip District chu India rama ziak leh chhiar thiam tam berna District a nih thu sawiin, hemi atana thawh hlawk ber chu Zirtirtute an nih thu a sawi a. Zirtirtute chu ram leh hnam dintu an nih thu pawh sawiin, naupangte khua leh tui \haa siamtu an ni tih in hre reng turin a chah bawk. He hunah hian zirlai ten item chi hrang hrang an entir bawk a ni.
Teachers’ Day hi Serchhip SDEO, Vanlalchhana chuan Marian H/S ten an School-a an hmanna ah khuallian niin a hmanpui bawk a, he hunah hian zirlai te a\angin item chi hrang hrang entir a nih bakah zirlai ten an zirtirtute hnenah thilpek an hlan bawk a ni.
Presbeteryan English School, Serchhip-ah chuan Teachers’ Day hi Managing Board leh zirtirtu ten hmangin infuihtharna atan he Ni hi an hmang a, Managing Board hian an Zirtirtute hnenah thilpek hlanin zanriah an buatsaih sak bawk. Presbyterian English School, New Serchhip pawhin Teachers Day hi zirlai naupang te nen a huhova hmangin Managing Board Chairman, Rev. Zohmunmawia chuan a hmanpui bawk a ni. Heng bakah hian zirna In hrang hrangte pawhin anmahni School-ah Teachers’ Day hi hlim taka hmangin an Zirtirtute hnenah thilpek chi hrang hrang an hlan bakah zirlai naupang ten an thiamthil chi hrang hrang an entir bawk a ni.
Zirtirtute Ni pual hian Serchhip District Bawrhsap chuan thuchah siamin, 'Zirtirtute Ni' September ni 5 chu zirna ngaisang em emtu India President pahnihna, Dr. Sarvepalli Radhakrishnan pits champhaphak denchhenin kum 1962 a\ang khan hman a nih thu leh kumin hi vawi 58 kan hmanna a nih thu a tarlang a. He hunah hian Zirtirtu, rim taka thawk mekte leh an hna a\anga chawl tawh zawng zawngte nen duhsakna chibai bukin, Serchhip District chhunga zirtirtute chu an chhuanawm hle-a a hriat thu a sawi a. Serchhip District chu India ramchhunga District mal ah ziak leh chhiar thiam tehna ah pakhatna a nih thu sawiin, he dinhmuna kan din theihna hi zirtirtute thawhrimna vang a nih thu leh he pakhatna kan nihna dinhmun hi chelh nung reng turin Serchhip District chhunga zirtirtute leh tlawmngai pawlte thawkho-a hma la zel turin a ngen bawk a ni.

Comments

Popular posts from this blog

PAN CARD an tih teh fo hi - Laldinpuia